Hebreos 12:3 - Emberá Chamí

³ Biꞌia kʉ̃risiásturu ẽbẽra kachiruarãba Jesús miadaa wausid̶aud̶e saka dauchia jãaduasii. Maka machi kakua ãkaa panad̶aabasii maud̶e machiba ijãa panuu ida b̶ud̶ai kʉ̃risiad̶aabasii.

Hebreos 12:3 Iomraidhean Croise

Mateo 11:19

Maumaarã mʉ, chi Ẽbẽra Ba B̶uad̶a, nee b̶uu. Mʉʉba ne joma kobarii maud̶e ne joma dobarii. Maud̶e machiba jarabadau mʉ chi ko ãrea nii maud̶e do ãrea nii. Mau awara jarabadau mʉ kachirua waubadaurã baara maud̶e Romad̶ebena chi aude mechiu nii baita chi nejarra pebadaurã baara nibabarii. Maamina kuitaa panuu Dachi Akõre kʉ̃risia kuitaa jipa b̶uu, mau ijãa panuuba jipa waubadaud̶eeba».

Mateo 12:24

Maamina ãchiba maka jara panuu fariseorãba ũrisid̶au. Maarãba jarasid̶au: «Jãu ẽbẽraba chi jai kachirua nuree duabʉibarii, chi jai kachirua nuree karr Beelzebuba mau poyaabarii deasiid̶eeba».

Mateo 15:2

—Bichi baara nibabadaurã jua jeraad̶awẽa kobadau. ¿Sakãe dachi nabẽraed̶ebenarãba jaradeaped̶aad̶a ida b̶u panuma?

Mateo 21:23

Jesús waya Dachi Akõre de mechiu kaita neeped̶a jaradea b̶eesii. Maka b̶uud̶e paare mechiurã maud̶e judiorã mechiurã ichimaa need̶aped̶a ichimaa id̶isid̶au: —Bichiba nama wau b̶uu ¿kaiba naka waubi b̶uma?

Mateo 21:46

Maud̶eeba ãchiba Jesús jidau kʉ̃ria panasid̶au. Maamina puurud̶ebenarã wapea panuud̶eeba ida b̶usid̶au. Puurud̶ebenarãba kʉ̃risia panasid̶au Jesús Dachi Akõre baita berreabarii.

Mateo 22:15

Mau maad̶akare fariseorãba bed̶ea deasid̶au Jesusmaa ãi berreabid̶ayua.

Lucas 14:1

Bari panabadau ewarid̶e Jesús fariseo chi mechiu nii ded̶e kod̶e wãsii. Maud̶e waabena fariseorãba ãrea ichia panasid̶au ichiba kachirua waui kuitaa.

Lucas 15:2

Maud̶eeba fariseorãba, Moisesba b̶ʉd̶a jaradeabadaurã bid̶a ichi naka kachirua jarasid̶au: «Ichiba kachirua waubadaurã biꞌia irsibiped̶a maarã ome kobarii».

Lucas 16:14

Jesusba jarad̶a fariseorãba joma ũri duanasid̶au. Ãchiba chi nejarra kʉ̃riabadaud̶eeba Jesús atua jara kopaneesid̶au.

Lucas 2:34

Maud̶e Simeonba ãchimaa biꞌia jaraped̶a Mariamaa naka jarasii: —Dachi Akõreba nau warr deasii israeld̶ebenarã ãrea biꞌia b̶umera maud̶e ãrea biꞌiwãe b̶umera. Kuitaabiai ichi Dachi Akõred̶ebena nee b̶uu, maamina ichi ʉ̃rʉbena kachirua jarad̶ai.

Lucas 5:21

Mau ũrisid̶aud̶e aria panuu fariseorãba maud̶e Moisesba b̶ʉd̶a jaradeabadaurãba naka jarasid̶au: «Jãu ¿kai kʉ̃risia b̶uma? ¿Sakãe maka Dachi Akõre daad̶e kachirua berrea b̶uma? Ab̶a Dachi Akõréburu ẽbẽraba kachirua waud̶a poyaa perdonabarii».

Juan 10:20

Ãreaba jarasid̶au: «Jãu ẽbẽraba jai kachirua uru b̶uu. Jãu kĩrawãe b̶uu. ¿Sakãe jãu bed̶ea ũrid̶aima?»

Juan 18:22

Jesusba maka jaraaruud̶e chi nubarii ichi kaita b̶uuba jua jãaba Jesús kĩedarrmaa sĩped̶a jarasii: —¿Maka panau b̶uka chi paarerã mechiumaa?

Juan 5:16

Maad̶akare paare mechiurãba Jesús ʉ̃rʉbena kachirua jara paneesid̶au mau ẽbẽra bari panabadau ewarid̶e aribiabisiid̶eeba.

Juan 7:12

Maud̶e ãrea aria duanuuba Jesús ʉ̃rʉbena didiwaraa berrea duanasid̶au. Waabenarãba jarabachid̶au: «Ichi ẽbẽra bia nii», maamina waabenarãba jarabachid̶au: «Makawãema; seta id̶aa nii».

Juan 8:13

Maud̶e fariseorãba Jesusmaa jarasid̶au: —Bichiba ara bichi ʉ̃rʉbena berrea b̶uu. Mauba jarawẽa b̶uu bichiba jara b̶uu biawãra b̶uu.

Juan 8:52

Maud̶e judiorãba Jesusmaa jarasid̶au: —Jãabáeburu daiba kuitaaduu bichiba jai kachirua bichi kakuad̶e uru b̶uu. Abraham biusii. Joma Dachi Akõre baita berreabadaurã sid̶a biusid̶au, maamina bichiba jara b̶uu: “Chi mʉ bed̶ea ijãa nii biukaraa nibai”.

Juan 8:59

Jesusba maka jarad̶a kakua judiorãba mo adausid̶au ichi b̶ata bead̶ai baita. Maamina Jesús miruped̶a Dachi Akõre de mechiud̶ebena awara ãyaa wãsii.

Juan 9:40

Chi nuree fariseorã Jesús kaita panuuba mau bed̶ea ũrisid̶aud̶e id̶isid̶au: —Bichiba ¿sakãe maka jara b̶uma? ¿Dai dau pãriu nureka?

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

2 Corintios 4:16

Maud̶eeba daiba waa jaradead̶ai ida b̶ud̶ai kʉ̃risiad̶akau. Dai chi kakua ewaricha meserãaswãekãrimina Dachi Akõreba aid̶a b̶uu dai sõd̶e chaarea nuread̶amera.

Gálatas 6:9

Maud̶eeba kakua ãkaad̶awẽa ne biꞌia wau panásturu. Kakua ãkaad̶awẽa panuubʉrã, Dachi Akõreba b̶ud̶a ewarid̶e dachiba biꞌia adaud̶ai.

2 Tesalonicenses 3:13

Ãbarã, biꞌia wau panuud̶eeba kakua ãkaa panarã́sturu.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Hebreos 12:5

Biꞌia ijãad̶amera Dachi Akõre bed̶ea b̶ʉ kub̶uu ¿machiba kʉde uru panuuwãeka? Ichi warrarãmaa naka jarasii: «Mʉ warr, Dachi Mechiuba iadaaruud̶e mau ʉ̃rʉbena ãrea kʉ̃risiáse. Kĩrabia iadaaaruud̶e kĩra nomaarã́se.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

1 Pedro 2:23

Ẽbẽrarãba ichi kachirua jarasid̶aud̶e ichiba ãchimaa kachirua jaraabasii. Ichi kachirua wausid̶aud̶e ichiba waya ãchi kachirua waui a jaraabasii. Maumaarã Dachi Akõreba nebʉra jipa ichiabariid̶eeba ichi kachirua wau panuu Dachi Akõre juad̶e b̶ubachii.

Apocalipsis 2:3

Machi mʉ kakua ãrea biꞌiwãe panuud̶e joma dauchia jãadua panuu maud̶e kĩrajaab̶ariwẽa mʉ baita biꞌia traja panuu.