Hebreos 11:7 - Emberá Chamí

⁷ Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Hebreos 11:7 Iomraidhean Croise

Mateo 2:12

Mau maad̶akare Dachi Akõreba kamokaraad̶e jarasii Herodesmaa wãd̶aabai. Maud̶eeba o ãyare wãsid̶au ãchi druad̶aa.

Mateo 24:15

»Dachi Akõre baita berreabarii Danielba kartad̶e b̶ʉsii chi kachirua Dachi Akõreba kʉ̃riakau b̶ui, Dachi Akõre de mechiud̶e de jã ed̶a chi bibuara b̶uud̶e. (Chi karta ed̶a jara b̶uuba kãare ed̶a jara b̶uu kauwa kuitaai b̶uu). Machiba mau unuuduud̶e Judea druad̶e nuree ead̶aa miru wãd̶ai panuu.

Mateo 24:25

Mau joma mʉʉba machimaa jarasii makai naed̶e.

Mateo 24:38

Nau iujãa joma birui naed̶e ẽbẽrarã ko duanabachid̶au, do duanabachid̶au, miakãi duanabachid̶au, chi kaurã dead̶aka duanabachid̶au miakãid̶amera. Maka duanabachid̶au ab̶a Noé jãba mechiud̶e ed̶a wãaruud̶aa.

Mateo 3:7

Maka b̶uud̶e waabenarã Moisesba b̶ʉd̶a jaradeabadau neesid̶au Juanba boro eamera. Waabenarã fariseorã basii; waabenarã saduceorã basii. Maamina Juanba ãchi unuuruud̶e jarasii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Lucas 17:26

»Chi Ẽbẽra Ba B̶uad̶a neei, Noé ewarid̶e maka b̶uad̶a kĩra.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Romanos 10:6

Maamina chi Cristod̶e ijãa b̶uu Dachi Akõre daad̶e jipa nuree baarabena bai baita naka jara b̶uu: «Bichi sõd̶eeba jararã́se: “¿Kai bajãad̶aa wãi b̶uma?” (Cristo nau iujãad̶aa neebii baita).

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 4:11

Abrahamba Dachi Akõred̶e ijãasiid̶eeba, mukĩra chi kakua tõowẽa b̶uasmina Dachi Akõreba ichi nebʉraswãe nii asii. Mau kuitaabiai baita Abrahamba mawãare mukĩra chi kakua tõosii. Mukĩra chi kakua tõowẽa nureerãba Dachi Akõred̶e ijãaduubʉrã, Abraham ãchi akõrebʉ, Dachi Akõreba nebʉraswãe nuree a jara b̶uud̶eeba, ichi kĩra ijãasid̶aud̶eeba.

Romanos 4:13

Dachi Akõreba Abrahammaa maud̶e ichid̶ebena imid̶ai bad̶a ẽbẽrarãmaa nau iujãa deai asii. Maamina maka jaraabasii Abrahamba Moisesba b̶ʉd̶a uru b̶uasiid̶eeba. Maumaarã maka jarasii Abraham nebʉraswãe nii asiid̶eeba. Maka nebʉraswãe nuree asii Abrahamba ichid̶e ijãasiid̶eeba.

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

Gálatas 5:5

Maamina dachiba Cristod̶e ijãa panuud̶eeba Dachi Akõre Jaurid̶eeba biawãra kuitaa panuu Dachi Akõreba dachi chi jipa nureerã baara b̶ui.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

Hebreos 11:1

Dachiba Dachi Akõred̶e ijãa panuud̶eeba kuitaa panuu chi dachiba esed̶aubadau mau biawãra adaud̶ai. Maud̶e chi dachiba unud̶akau mau b̶uabarii kuitaa panuu.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

Hebreos 8:5

Paarerãba wau panuud̶eeba unubibadau bajãad̶e saka b̶uu. Maud̶eeba Moisesba chi ãnimara e de waui naed̶e Dachi Akõreba ichimaa naka jarasii: «Joma arakʉd̶e kauwa wause mʉʉba ead̶e unubid̶a kĩra».

1 Pedro 3:20

Maarã jaurirãba nabẽraed̶e Noé ewarid̶e Dachi Akõre bed̶ea ijãad̶aabasii. Noeba jãba mechiu wau b̶uumisa Dachi Akõreba joma dauchia jãadua b̶uud̶eeba esed̶au b̶uasii ãchiba ijãad̶amera. Maamina ẽbẽra b̶aꞌãra bania birud̶ad̶ebena paneesid̶au. Biawãra jaraaruubʉrã, 8buru karibasii.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

2 Pedro 2:5

Maud̶e nabẽraed̶ebenarãba Dachi Akõre ida b̶usid̶aud̶e ichiba kĩra chuburiabasii. Maumaarã bania ãrea birubisii mau ẽbẽrarã joma kinid̶amera. Maamina Noeba dachi jipa nibad̶ai ʉ̃rʉbena jaradeabachii. Ichi, ichi ded̶ebenarã 7 panuu sid̶a Dachi Akõreba karibasii.

2 Pedro 3:6

Ara mau baniaba joma nau iujãad̶e chi mau ewarid̶e panad̶a kinibisii mau bania ãrea chesiid̶eeba.