Hebreos 11:10 - Emberá Chamí

¹⁰ Abraham maka b̶uabachii, bajãad̶e b̶uu puuru wãꞌãekaud̶aa b̶uad̶e wãi baita kʉ̃ria b̶uasiid̶eeba. Mau puuru Dachi Akõreba ãrea kʉ̃risiaped̶a joma wausii.

Hebreos 11:10 Iomraidhean Croise

Juan 14:2

Mʉ Chacha b̶uumare chi b̶uai ãrea barau. Mʉ machi naa wãi machi baita biꞌia wauyua. Makawãe basirã mʉʉba jaraabai basii.

2 Corintios 5:1

Nau iujãad̶e dachi kakua ãrea dauchia jãaduad̶akaud̶eeba de ãnimara e wauped̶aad̶a kĩra b̶uu. Dachiba kuitaa panuu dachi biuduud̶e Dachi Akõreba dachimaa chi kakua biukau bajãad̶ebena deai. Ẽbẽrarãba mau biukau kakua waud̶akau.

Filipenses 3:20

Maamina dachi bajãad̶ebenarãbʉ. Dachi Karibabarii mamauba neei esed̶au panuu. Mau Dachi Mechiu Jesucristobʉ.

Hebreos 11:16

Maamina ãchiba drua aude biꞌiau bajãad̶e b̶uu kʉ̃ria panasid̶au. Maud̶eeba Dachi Akõre kĩra nejasiakau ãchi Akõre aaduud̶e. Maarã baita bajãad̶e puuru wau uru b̶uu.

Hebreos 12:22

Maamina machi Dachi Akõremaa neesid̶aud̶e chi biawãra Sión ead̶aa maud̶e chi bajãad̶ebena Jerusalend̶aa neesid̶au. Mau puuru Dachi Akõre chokae niid̶ebʉ. Aria angelerã mil ãrea ãbua kĩrajʉʉ duanuu.

Hebreos 12:28

Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

Hebreos 13:14

Nau iujãad̶e dachi puuru wãꞌãekaud̶e panuuwãema, maumaarã esed̶au panuu puuru wãꞌãekaud̶e panad̶ai baita.

Hebreos 3:4

Chi de waubarii barau. Maamina chi joma waud̶a Dachi Akõrebʉ.

Apocalipsis 21:2

Maud̶e mʉʉba unusii Dachi Akõre b̶uumarebena ichi puuru wid̶i Jerusalén bajãad̶ebena ed̶aa uruu. Mau puuru mipitaa ãrea b̶uasii wẽra miakãiruud̶e paru jʉ̃barii kĩra.