Gálatas 6:12 - Emberá Chamí

¹² Chi machi mukĩra chi kakua tõobi kʉ̃ria nureerãba maka waubadau, judiorãba biꞌia unud̶amera maud̶e ãchiba Cristo cruzd̶e biud̶a ʉ̃rʉbena jaradea panuu kakua ãchi kachirua waurãad̶amera.

Gálatas 6:12 Iomraidhean Croise

Mateo 23:27

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Chi jau b̶ubadau torroa purubadau, ʉ̃rʉ mipitaa unud̶amera. Maamina ed̶are biuped̶aad̶arã ãrea chi b̶ʉʉrʉrã baara b̶eraa mikia poe.

Mateo 23:28

Ara mau kĩra machi ẽbẽra daumaarã jipa nuree kĩra nuree, maamina biawãra machiba jaradeabadau waud̶akau. Maud̶e ed̶are machi ãrea sõ kachirua nuree.

Mateo 23:5

»Ãchiba ne joma waubadau waabenarãba biꞌia unud̶amera. Dachi Akõre bed̶ea kartad̶e b̶ʉd̶a ũabisa kaebeud̶e ed̶a b̶ud̶aped̶a ãchi daub̶ʉʉrʉd̶e jʉ̃badau maud̶e juapotad̶e bid̶a jʉ̃badau. Maamina chi ũabisa jõparrea waubadau waabenarãba biꞌia unud̶amera. Maud̶e mau baita ãchiba paru id̶e kapipia deseroa b̶ee kaapirud̶aped̶a jʉ̃badau.

Mateo 5:10

Biꞌia panuu chi jipa nuree kakua waabenarãba biꞌiwãe paneebiabadau, Bajãad̶e B̶uuba ichid̶irã ichi juad̶e ua b̶uud̶eeba.

Mateo 6:16

»Machiba Dachi Akõre baara b̶uayua chiko kod̶akau ewari wauduud̶e kĩra nomaa paneerã́sturu setaa ẽbẽra bia nuree abadaurãba waubadau kĩra. Ãchi mau kĩra panabadau jomaurãba kuitaad̶amera chiko kod̶akau ewarid̶e wau panuu. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶a kakua Dachi Akõreba ne bia aude uru panabiabai.

Mateo 6:2

Bichiba ne wãꞌãe nureerãmaa ne kaebea deaduud̶e setaa ẽbẽra bia nuree abadaurãba maka waubadau kĩra waurã́se. Ãchiba ne kaebea deaduud̶e mau baita jarabadau judiorã araa ãbua imibadau ded̶e, puurud̶e bid̶a jomaurãba ãchi ʉ̃rʉbena biꞌia berreamera. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba ab̶aburu mau uru b̶uai. Dachi Akõred̶ebena ne kaebea uru panad̶aabai.

Mateo 6:5

»Bichiba Dachi Akõremaa ʉtaa id̶iiruud̶e setaa ẽbẽra bia nuree abadaurãba waubadau kĩra waurã́se. Ãchiba judiorã araa ãbua imibadau ded̶e maud̶e puurud̶e bid̶a b̶ari nupaneed̶aped̶a Dachi Akõremaa ʉtaa id̶ibadau ẽbẽrarãba biꞌia unud̶amera. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶áburu bia uru panad̶ai. Dachi Akõred̶ebena ne kaebea bia uru panad̶aabai.

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Lucas 20:47

Maarãba pẽdrãarã ne kaebea juakaa adaubadau maud̶e ʉtaa ãrea id̶ibadau ẽbẽrarãba machi biꞌia ichiad̶amera. Maud̶eeba Dachi Akõreba ãchi aude kastikai».

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

Hechos 15:1

Mau ewarid̶e chi nuree Judea druad̶ebenarã Antioquía puurud̶aa wãsid̶au. Aria ãchiba ãbarã judiowãerãmaa jaradea paneesid̶au Moisesba b̶ʉd̶a kĩra mukĩra chi kakua tõod̶aabasiibʉrã, Dachi Akõreba karibaabai.

Hechos 15:5

Maamina chi nuree fariseorã Jesusd̶e ijãabadaurãba jiradud̶aped̶a jarasid̶au: —Joma ãbarã judiowãerã mukĩra chi kakua tõod̶ai panuu. Ãchimaa jaradead̶ai panuu Moisesba b̶ʉd̶a waud̶amera.

2 Corintios 10:12

Maamina ¿sakaburu dai ara ãstu chi bibuara nuree abadau kĩra kʉ̃risiad̶aima? Ara ãstu ichiabadau maud̶e ãchid̶ebena ichiabadau kai aude bibuara nuree kuitaad̶ai baita. Maka wau panuuba, kauwa ũrid̶akau unubiabadau.

2 Corintios 11:13

Ãchi Cristoba bʉid̶arãwãema, maumaarã waabenarã setaa kũruabadaurãbʉ. Setad̶eeba kʉ̃risiabiabadau ãchi Cristoba bʉid̶arã.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

Gálatas 2:3

Maud̶e Tito mʉ ome b̶uu judiowãemina, ãchiba jarad̶aabasii ichi mukĩra chi kakua tõoi b̶uu.

Gálatas 5:11

Ãbarã, mukĩra chi kakua tõod̶ai panuu mʉʉba wabid̶a jaradea b̶uad̶a basirã, chi maka jaradea nureerãba mʉ kachirua waud̶ai baita wãraad̶aabai basii. Mʉʉba maka jaradea b̶uad̶a basirã ãchiba Jesús cruzd̶e biud̶a ʉ̃rʉbena kachirua kʉ̃risiad̶aabai basii.

Gálatas 6:13

Chi mukĩra chi kakua tõoped̶aad̶arãba Moisesba b̶ʉd̶a joma waud̶akau. Maamina maarãba machi mukĩra chi kakua tõobiad̶ai kʉ̃ria panuu, ara ãchi ʉ̃rʉbena biꞌia berread̶ai baita.

Filipenses 1:15

Biawãra chi nuree mʉ ome kĩra kachirua panuud̶eeba, maarãba jarabadau Cristo ʉ̃rʉbena mʉ audeara kuitaa panuu ad̶ai baita. Maamina waabenarãba kʉ̃risia biad̶eeba jarabadau.

Filipenses 2:4

Machicha biꞌia nuread̶ai baita jʉrʉrã́sturu, maumaarã jʉrʉ́sturu waabenarã sid̶a biꞌia nuread̶amera.

Filipenses 3:18

B̶es ãrea mʉʉba nau machimaa jarasii maud̶e jẽa b̶uuba waya jaraaruu: ẽbẽrarã ãreaba ãchiba wau panuud̶eeba unubiabadau chi Cristo cruzd̶e biud̶a ʉ̃rʉbena bed̶ea kuitaad̶ai kʉ̃riad̶akau.

Colosenses 2:23

Biawãra mau kʉ̃risia kuitaa kĩra b̶uu. Ãchiba jarabadau ara dachi du ab̶a ne waubadaud̶eeba Dachi Akõre kaad̶e poyaa biꞌia wãd̶ai, waabenarã audeara kaebeu nibad̶ai panuu maud̶e ãrea biꞌiwãe panad̶ai panuu, ara dachi du ab̶a puꞌuaduud̶eeba. Maamina joma mauba dachi kakuaba kachirua wau kʉ̃ria b̶uu maka waubikau.