Gálatas 6:10 - Emberá Chamí

¹⁰ Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Gálatas 6:10 Iomraidhean Croise

Mateo 12:50

Mʉ Chacha bajãad̶e b̶uuba waud̶ai kʉ̃ria b̶uu, mau mʉ ãbabʉ, mʉ neekaubʉ maud̶e mʉ nawebʉ.

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Mateo 5:43

»Machiba ũri panuu naka jarabadau: “Bichi kõpaero kʉ̃riáse, maamina bichi kĩramaabarii kĩramaase”.

Marcos 3:4

Maabae Jesusba ãchimaa id̶isii: —¿Bari panabadau ewarid̶e kãare waud̶ai panuma? ¿Chi bia maebʉrã chi kachirua? ¿Waabenarã karibai maebʉrã ida biubiaika? Maamina ãchi chũpea paneesid̶au.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Juan 12:35

Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

2 Corintios 2:8

Maud̶eeba mʉʉba machimaa chi chuburia id̶iiruu machiba ichi kʉ̃ria panuu waya kuitaabid̶amera.

Gálatas 1:23

Ãchiba naka jaraadúturu ũribachid̶au: «Dachi kachirua waui baita wãraa b̶uad̶aba jãabae jaradea b̶uu jomaurãba Cristod̶e ijãad̶amera. Naed̶e mau ichiba joma wãꞌãebii kʉ̃ria b̶uasii».

Efesios 2:19

Maud̶eeba machi judiowãerã waa drua ãid̶ebenarã kĩra nuread̶aabai, maumaarã Dachi Akõre puurud̶ebenarã ome ãbua panuu; machi ẽbẽrarã Dachi Akõred̶erãbʉ.

Efesios 3:15

Ichiba joma bajãad̶e nuree maud̶e nau iujãad̶e nuree wausii maud̶e ichid̶eeba nuree.

Efesios 4:28

Nechirua badaad̶a waa nechiruabai b̶uu, maumaarã ichi juaba trajai b̶uu ne uru b̶uai baita. Maka ichiba uru b̶uai chi nejarr barauwãe nuree aid̶ai baita.

Efesios 5:16

Machiba poyaa wauduucha biꞌia wáusturu, nau ewarid̶e ẽbẽrarãba ne joma kachirua waubadaud̶eeba.

Filipenses 4:10

Dachi Mechiud̶eeba mʉ ãrea kĩrajʉʉ b̶uu, machiba mʉ ʉ̃rʉbena kʉ̃risiasid̶aud̶e waya ne urubʉisid̶aud̶eeba. Mau machiba naed̶e wau kʉ̃ria panasmina poyaa waud̶aabasii.

Colosenses 4:5

Cristod̶e ijãad̶akaurã tãed̶e kʉ̃risia kauwa nibásturu. Ewaricha jʉrʉ́sturu ichi ʉ̃rʉbena maarãmaa kuitaabiad̶ai baita.

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

1 Tesalonicenses 5:21

Joma mau kauwa ũrísturu, maamina ab̶a chi biáturu ijã́sturu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

1 Pedro 4:17

Jãabae Dachi Akõreba ichid̶irã nebʉra ichiai. Dachi Akõreba dachi naa ichiaruubʉrã, ¿chi bed̶ea bia Dachi Akõre ʉ̃rʉbena ijãawẽa nuree saka panad̶aima?

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

3 Juan 1:10

Maud̶eeba mamaa wãaruud̶e mʉʉba jomaurãmaa kuitaabiai ichiba kachirua wau b̶uu. Ichiba dai ʉ̃rʉbena setaa kachirua jarabarii. Mau awara chi ãbarã mamaa wãaduu ichiba biꞌia irsibiabikau maud̶e chi ãbarãba ãchi ded̶e biꞌia irsibi kʉ̃ria panuud̶e ida b̶ukau. Maarã biꞌia irsibiiduubʉrã mau ãbarã duabʉikabarii.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.

3 Juan 1:3

Mʉ ãrea kĩrajʉʉsii, waabenarã ãbarã mʉʉmaa neeped̶aad̶aba nebʉrʉsid̶aud̶eeba bichiba chi biawãra bed̶ea ijãa b̶uu.