Gálatas 6:1 - Emberá Chamí

¹ Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.

Gálatas 6:1 Iomraidhean Croise

Mateo 11:29

Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.

Mateo 26:69

Pedro mau de mechiu dud̶a akʉ b̶uud̶e wẽra trajabarii ichimaa neesii. Mau wẽraba jarasii: —Bichi Jesús Galilead̶ebena baara nibasii.

Mateo 26:75

Maud̶e Pedroba kĩrabasii Jesusba jarad̶a: «Eterr birui naed̶e bichiba b̶es õbea mʉ unukau ai». Maabae Pedro awara wãped̶a ãrea kĩra nomaa jẽasii.

Mateo 9:13

Nau bed̶eaba kãare jara b̶uu kuitaad̶e wã́sturu: “Ãnimara baa dead̶ai bad̶amaarã mʉʉba kʉ̃ria b̶uu machiba waabenarã kĩra chuburia panad̶ai”. Mʉ, chi jipa nuree iui baita need̶awãe, maumaarã chi kachirua waubadaurã́turu iui baita nee b̶uu Dachi Akõremaa need̶amera.

Romanos 14:1

Ab̶a ãbaba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa b̶uubʉrã, ichi biꞌia irsibísturu. Maamina ichiba adua b̶uu ʉ̃rʉbena ichi ome oa kachirua berrearã́sturu.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

Romanos 8:6

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã biui. Maamina chi Dachi Akõre Jauriba kʉ̃ria b̶uu kʉ̃risia b̶uaruubʉrã jirukaraayuwãe b̶uai maud̶e Dachi Akõre ome chokae b̶uai.

1 Corintios 10:12

Maud̶eeba ab̶auba ãrea ijãa b̶uu kʉ̃risia b̶uubʉrã, ara ichi du ab̶a kauwa b̶uai b̶uu kachiruad̶e ida b̶aebiamaaba.

1 Corintios 14:37

Ab̶auba Dachi Akõre baita berreabarii kʉ̃risia b̶uubʉrã, maebʉrã Dachi Akõre Jaurid̶eeba ne wau b̶uu kʉ̃risia b̶uubʉrã, ichiba kuitaai b̶uu mʉʉba nau kartad̶e b̶ʉmaa b̶uu Dachi Mechiuba waubi b̶uu.

1 Corintios 2:15

Chi Dachi Akõre Jauri uru b̶uuba Dachi Akõre ʉ̃rʉbena poyaa ãrea kuitaai. Maamina chi Dachi Akõre Jauriwãe niiba chi Dachi Akõre Jauri uru b̶uu kʉ̃risia, kauwa ũrikau.

1 Corintios 3:1

Ãbarã, mʉ machimaa wãsiid̶e, chi Dachi Akõre Jaurid̶eeba nibabadaurãmaa jaradea b̶uu kĩra poyaa makaabasii. Maumaarã chi nau kakuaba wau kʉ̃ria b̶uu kĩra waubadaurãmaa maud̶e chi ea Cristod̶e ijãaped̶aad̶arãmaa jaradea b̶uu kĩra jaradeasii.

1 Corintios 4:21

Mau ¿machiba saka kʉ̃ria panuma? ¿Kʉ̃ria panuka mʉʉba iadaad̶e wãi maebʉrã kʉ̃riad̶eeba, biꞌia berread̶eeba wãi?

1 Corintios 7:5

Machi kakua machi kimamaa wãakarã́sturu. Dachi Akõremaa ʉtaa id̶i kʉ̃riaduud̶e, bed̶ea deásturu, mau ewarid̶e ãbua kãi b̶eed̶aabai baita. Maamina kãꞌãa maka panad̶aabai panuu. Mau maad̶akare, waya ãbua kãi b̶eei panuu, machi kakuaba kʉ̃ria b̶uu jãaduad̶awẽa paneeduud̶e, Satanasba kachirua waubiarãamera.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 2:7

Maumaarã, jãabae ichiba waud̶a perdonad̶ai panuu maud̶e mau sõbiabid̶ai panuu ãrea kĩra nomaa b̶eerãamera.

2 Corintios 2:8

Maud̶eeba mʉʉba machimaa chi chuburia id̶iiruu machiba ichi kʉ̃ria panuu waya kuitaabid̶amera.

Gálatas 5:23

waabenarã audeara biꞌia nuree kʉ̃risiad̶akau maud̶e dachi kakua jipa uru nureabadau. Mau ley wãꞌãe, joma mau jarad̶a «kachirua» ai baita.

Gálatas 6:18

Ãbarã, mʉʉba kʉ̃ria b̶uu Dachi Mechiu Jesucristoba ichi sõbiad̶eeba joma machi aid̶a b̶uai. Biꞌia b̶uu maka b̶uai.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

2 Tesalonicenses 3:15

Maamina mau machi kĩramaa kĩra uru panarã́sturu, maumaarã machi ãba baerã jarásturu jipa waumera.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

Hebreos 12:13

O jipaud̶e nibásturu. Maka chi poyaara nuree b̶aed̶aabai, maumaarã biꞌia ijãa panad̶ai.

Hebreos 13:3

Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.

Santiago 3:13

Machi kʉ̃risia kuitaa nuree maud̶e ne kuitaa nuree kʉ̃risia panuubʉrã, unubiásturu biawãra maka nuree, machi biꞌia nibabadaud̶eeba. Chi mechiu nuree kʉ̃risiad̶awẽa kʉ̃risia kuitaad̶eeba biꞌia waud̶ai panuu.

Santiago 3:2

Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

1 Pedro 3:15

Cristo machi Mechiud̶eeba, sõd̶eeba mau wapeásturu. Chi Cristod̶e adaud̶ai baita esed̶au panuud̶eeba mau ʉ̃rʉbena berread̶ayu panásturu. Maka ab̶auba id̶iiruubʉrã, poyaa ijarra berread̶awẽa arakʉd̶e panaud̶ai.

1 Juan 5:16

Machid̶ebena ab̶auba bichi ãba kachirua dachi biubikau wauruu unuuruubʉrã, ʉtaa id̶ii b̶uu. Maka Dachi Akõreba mau perdonaped̶a, chokae nibabii. Maamina dachi biubibarii kachirua baraubʉ. Mʉʉba jarawẽa b̶uu chi mau kachirua waubadaurã kakua ʉtaa id̶imera.