Gálatas 5:26 - Emberá Chamí

²⁶ Waabenarã audeara biꞌia nuree kʉ̃risiad̶aabai panuu, oa kachirua berrea duanad̶aabai panuu maud̶e ab̶auba uru b̶uu kakua kachirua kʉ̃risiad̶aabai panuu.

Gálatas 5:26 Iomraidhean Croise

Lucas 14:10

»Maud̶eeba bichi iuduud̶e chi mechiuwãe nuree ome akʉ b̶eese. Makarã bichi iud̶aba unuuruud̶e iuped̶a jaraaruu: “Neese, nama chi mechiurã ome akʉ b̶eese”. Maka bichi iud̶aba joma chi akʉ b̶eerã daad̶e bichi chi mechiu b̶uu unubii.

1 Corintios 3:7

Maud̶eeba chi ne uubarii chi aude mechiuwãema. Chi bania eabarii sid̶a chi aude mechiuwãema. Dachi Akõre chi aude mechiubʉ. Ichiaburu ne uu nub̶uu waribibarii.

Gálatas 5:15

Kauwa panásturu. Oa kachirua berrea duaneeduubʉrã, chĩo duaneeduubʉrã, ara machi du ab̶a joma baribad̶ai.

Filipenses 4:15

Ãbarã Filipod̶ebenarã, machiba kuitaa panuu chi bed̶ea bia Cristo ʉ̃rʉbena arab̶aed̶eed̶e ijãasid̶aud̶e, mʉ Macedonia druad̶ebena wãsiid̶e waabenarã ãbarã puurud̶ebenarãba mʉ baita ne urubʉid̶aabasii. Machiaburu mʉ baita makasid̶au.

Santiago 4:16

Maamina machiba maka waud̶akau. Maumaarã chi mechiu nuree kʉ̃risia panuud̶eeba jarabadau machiba wau kʉ̃ria panuu poyaa waud̶ai. Biawãra mau kachirua b̶uu.

1 Pedro 5:5

Kũudrãarã, chõrarãba jaraaduu ijã́sturu. Jomaurã chiya aid̶a nuread̶ai panuu waabena audeara chi mechiu nii kʉ̃risiad̶awẽa. Dachi Akõre bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabiakau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».