Gálatas 5:25 - Emberá Chamí

²⁵ Dachi Akõre Jaurid̶eeba chokae panuud̶eeba ichid̶eeba nibad̶ai panuu.

Gálatas 5:25 Iomraidhean Croise

Juan 6:63

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Romanos 8:10

Maamina Cristo machi sõd̶e b̶uubʉrã, machi jauri chokae b̶uu Dachi Akõreba machi nebʉraswãe nuree a b̶uud̶eeba. Machiba kachirua wau panad̶a kakua nau kakuad̶e biud̶ai.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

1 Corintios 15:45

Dachi Akõre bed̶ead̶e b̶ʉ kub̶uu: «Chi nabena ẽbẽra Adán abadau Dachi Akõreba chokae b̶uabisii». Maamina Cristo chi kaad̶ebena Adán abadau b̶usii ichi jaurid̶eeba chokae b̶uai deamera.

2 Corintios 3:6

Dachi Akõreba dai b̶usii ichiba ẽbẽrarãmaa bed̶ea chiwid̶i dead̶a poyaa jaradead̶amera. Mau bed̶ea chiwid̶i dead̶a Moisesba b̶ʉd̶a kĩra juaba b̶ʉd̶awãe, maumaarã Dachi Akõre Jauriba kuitaabi b̶uu. Moisesba b̶ʉd̶aba kuitaabi b̶uu kachirua wau panuu kakua ẽbẽrarã biud̶ai panuu, maamina Dachi Akõre Jauriba dachimaa chokae nibabiabarii.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

1 Pedro 4:6

Maud̶eeba biud̶arãba chi bed̶ea bia Cristo ʉ̃rʉbena ũrisid̶au ãchi jauri chokae nuread̶amera, Dachi Akõre chokae b̶uu kĩra. Maamina ãchi chi kakua biusid̶au, Dachi Akõreba joma biud̶ai panuu asiid̶eeba.

Apocalipsis 11:11

Maamina ewari õbea ẽsa basiid̶e Dachi Akõreba ãchi chokae jiradubiasii. Ãchi jiraduuduu unuped̶aad̶a ãrea perasid̶au.