Gálatas 4:3 - Emberá Chamí

³ Ara mau kĩra Cristod̶e ijãad̶ai naed̶e dachi warraed̶ebena kĩra nureasii. Mau ewarid̶e dachiba nau iujãad̶ebena jauri mechiurã ijãa panasid̶au, chibari baita bari trajabarii kĩra.

Gálatas 4:3 Iomraidhean Croise

Mateo 11:28

»Nejomad̶eeba kakua ãkaa panuubʉrã, mʉʉmaa nésturu. Mʉʉba machi kʉrrjĩrubiai.

Juan 8:31

Maabae Jesusba judiorã ichid̶e ijãaduurãmaa jarasii: —Machiba mʉ bed̶ea ijãa panuubʉrã, biawãra mʉ baara nibabadaurã nuread̶ai.

Hechos 15:10

Machiba ¿sakãe Dachi Akõreba kuitaabiad̶a ãyaa waud̶ai kʉ̃ria panuma? ¿Sakãe dachi maud̶e dachi nabẽraed̶ebenarãba poyaa waud̶aabad̶a ãchimaa waubiai kʉ̃ria panuma?

Romanos 7:14

Dachiba kuitaa panuu Moisesba b̶ʉd̶a Dachi Akõre Jaurid̶eeba neesii. Maamina mʉ nau kakuad̶e b̶uu. Mʉ nedobʉid̶a kĩra b̶uu kachirua baita bari trajabarii b̶uamera.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

2 Corintios 11:20

Machi ãchi baita bari trajabadaurã kĩra paneebiaduud̶e, machi kod̶ai bad̶a kooduud̶e, machid̶e juakaa adauduud̶e, maarãba machi aude bibuara nuree kʉ̃risiaduud̶e maebʉrã machi kĩedarr sĩiduud̶e machiba ida kabibadau.

Gálatas 2:4

Mau ʉ̃rʉbena berreasid̶au chi nuree biawãra ãbarãwãeba jarabachid̶aud̶eeba. Maarã ãbarã kĩra need̶aped̶a, unud̶ai kʉ̃riabachid̶au dachi Moisesba b̶ʉd̶ad̶ebena ãyaa wãsid̶au kuitaa. Jesucristod̶e ijãad̶ai bad̶amaarã, chi Moisesba b̶ʉd̶a waya waubi kʉ̃ria panasid̶au, chi mau b̶ʉd̶a baita bari trajabadaurã kĩra.

Gálatas 3:19

Makarã ¿Dachi Akõreba sakãe Moisesmaa chi ichiba b̶ʉd̶a b̶ʉbisma? Maka wausii ẽbẽrarãba kachirua waubadau kuitaad̶amera. Ẽbẽrarã mau Moisesba b̶ʉsiid̶eeba panasid̶au ab̶a Abrahamd̶ebena neei b̶uad̶a neeruud̶aa, ichid̶eeba Dachi Akõreba karibai asiid̶eeba. Dachi Akõreba Moisesmaa mau ichiba b̶ʉd̶a angelerãd̶eeba deasii. Mau dead̶akare Moisesba ẽbẽrarãmaa deasii.

Gálatas 4:2

Chi kaebe nii warr ichi nubadaurã juad̶e b̶uu, maud̶e ichi akõred̶e adaui b̶uu chi nureerãba nubadau ab̶a chi akõreba jarad̶a ewarid̶aa.

Gálatas 4:24

Mauba dachimaa naka ãrea kʉ̃risiabia b̶uu: Dachi Akõreba bed̶ea dead̶a ome panuu. Mau bed̶ea dead̶a ome panuu Sara maud̶e Agar kĩra panuu. Dachi Akõreba bed̶ea dead̶a ab̶a Sinaí ead̶e deasii. Mau bed̶ea dead̶a chi chibari baita bari trajabarii Agar kĩra b̶uu, chi mau bed̶ea dead̶a ijãa nuree chibari baita bari trajabadaurã kĩra nureed̶eeba.

Gálatas 4:25

Chi Sinaí ea Arabia druad̶e b̶uu Agar kĩra b̶uu, chi mau ead̶e dead̶a Moisesba b̶ʉd̶ad̶e ijãa nuree, chibari baita bari trajabadaurã kĩra nureed̶eeba. Maud̶e chi nau iujãad̶ebena Jerusalén puuru Agar kĩra nii, mau puurud̶ebenarã chibari baita bari trajabadaurã kĩra nureed̶eeba.

Gálatas 4:31

Maud̶eeba ãbarã, dachi chi chibari baita bari trajabarii warrarã kĩra nureewãe. Maumaarã chi chibariswãe nuree warrarã kĩra nuree.

Gálatas 4:8

Naed̶e machiba Dachi Akõre adua panasid̶aud̶e chi biawãra Dachi Akõrewãerã ijãa panasid̶au ãchi baita bari trajabadaurã kĩra.

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

Colosenses 2:20

Machi Cristo ome ãbua biusid̶aud̶eeba nau iujãad̶ebena jauri mechiurãd̶e ijãad̶aabai panuu. Mau ¿sakãe wabid̶a mau kʉ̃risia ijãa panuma nau iujãad̶ebenarã ijãabadau kĩra?

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.

Hebreos 5:12

Machiba Jesusd̶e ijãaped̶aad̶a ãrea baaruu. Maud̶eeba id̶i machi Dachi Akõre bed̶ea jaradeabadau nuread̶ai panasid̶au. Maamina Dachi Akõre bed̶ea biꞌia adua panuud̶eeba poyaa biꞌia jaradead̶akau. Ab̶auba machimaa chi Dachi Akõre bed̶ea ʉ̃rʉbena naa jaradead̶a waya jaradeai b̶uu, ju dobiiruu kĩra. Machi warrarã kĩra nureed̶eeba, kiuru kod̶ai bad̶amaarã ju b̶aa dod̶ai panuu.

Hebreos 7:16

Ichi paare b̶eebasii, chi Moisesba b̶ʉd̶a kĩra b̶eesiid̶eeba. Moisesba b̶ʉd̶aba ab̶aburu Levid̶ebena imiiduurã b̶ubarii. Maumaarã Jesús paare b̶eesii ichi poyaabariid̶eeba biukaud̶eeba.