Gálatas 4:24 - Emberá Chamí

²⁴ Mauba dachimaa naka ãrea kʉ̃risiabia b̶uu: Dachi Akõreba bed̶ea dead̶a ome panuu. Mau bed̶ea dead̶a ome panuu Sara maud̶e Agar kĩra panuu. Dachi Akõreba bed̶ea dead̶a ab̶a Sinaí ead̶e deasii. Mau bed̶ea dead̶a chi chibari baita bari trajabarii Agar kĩra b̶uu, chi mau bed̶ea dead̶a ijãa nuree chibari baita bari trajabadaurã kĩra nureed̶eeba.

Gálatas 4:24 Iomraidhean Croise

Mateo 13:35

Dachi Akõre baita berreabariiba jarad̶a kĩra biawãra makasii: «Mʉʉba nebʉrʉʉruuba berreai. Dachi Akõreba nau drua waud̶ad̶ebena id̶iid̶aa kuitaabiwẽa b̶uad̶a, mʉʉba mau jarai».

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

1 Corintios 10:11

Joma ãchi makad̶aba unubi b̶uu saka Dachi Akõreba kachirua kastikabarii. Mau Dachi Akõre bed̶ead̶e b̶ʉ kub̶uu dachi nau kaad̶earebena ewarid̶e nureerãba ara mau kĩra waurãad̶amera.

1 Corintios 10:4

Jomaurãba arab̶au bania Dachi Akõreba eakarrd̶ebena eab̶aribid̶a dobachid̶au. Mau eakarr Cristo jara b̶uu, ãchi wãaduucha Cristo jaurid̶eeba ãchi ome b̶uasiid̶eeba.

Gálatas 4:25

Chi Sinaí ea Arabia druad̶e b̶uu Agar kĩra b̶uu, chi mau ead̶e dead̶a Moisesba b̶ʉd̶ad̶e ijãa nuree, chibari baita bari trajabadaurã kĩra nureed̶eeba. Maud̶e chi nau iujãad̶ebena Jerusalén puuru Agar kĩra nii, mau puurud̶ebenarã chibari baita bari trajabadaurã kĩra nureed̶eeba.

Gálatas 4:3

Ara mau kĩra Cristod̶e ijãad̶ai naed̶e dachi warraed̶ebena kĩra nureasii. Mau ewarid̶e dachiba nau iujãad̶ebena jauri mechiurã ijãa panasid̶au, chibari baita bari trajabarii kĩra.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.

Hebreos 11:19

Abrahamba kʉ̃risiasii ichi warr Isaac bearuubʉrã Dachi Akõreba mau poyaa chokae jiradubii. Biawãra Isaac chokae jiradubisiid̶eeba Abrahamba chi warr chokae uru b̶eesii.

Hebreos 12:24

Machi Jesusmaa neesid̶au. Ichid̶eeba ẽbẽrarã Dachi Akõred̶erã ome bed̶ea chiwid̶i deasiid̶e machi ichi oa jĩtod̶okad̶amaa neesid̶au. Jesús oa ched̶aba Abel oa ched̶a audeara kuitaabia b̶uu.

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

Hebreos 7:22

Mau Dachi Akõreba biawãrad̶eeba jarasiid̶eeba, dachiba kuitaa panuu Dachi Akõreba Jesusd̶eeba dachi ome bed̶ea chiwid̶i dead̶a biawãra makai. Mau bed̶ea naa dead̶a Moisesba b̶ʉd̶a audeara biꞌia b̶uu.