Gálatas 4:19 - Emberá Chamí

¹⁹ Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

Gálatas 4:19 Iomraidhean Croise

Lucas 22:44

Jesús ãrea kĩra nomaa b̶uud̶eeba Dachi Akõremaa waya ʉtaa id̶isii. Maud̶e ichi jʉa oa kĩra iorod̶e b̶aesii.]

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

2 Corintios 12:14

Mʉ machimaa wãi baita b̶uu. Nauba b̶es õbea bai wãaruu. Maamina mʉʉba id̶iwẽma machiba aid̶ad̶amera. Machiba uru b̶ee jʉrʉ b̶uuwãe, maumaarã machi kʉ̃ria b̶uu. Warrarãba chi nejarra jaatʉd̶akau ãchi akõrerãmaa dead̶ai baita, maumaarã chi akõrerãba chi nejarra jaatʉbadau ãchi warrarãmaa dead̶ai baita.

Efesios 4:13

ab̶a jomaurã Dachi Akõre Warrd̶e ijãa panuud̶eeba maud̶e kuitaa panuud̶eeba ãbua biꞌia paneeduud̶aa. Maud̶e dachi ne jomad̶e Cristo kĩra nuread̶ai.

Efesios 4:24

Mau kʉ̃risia wid̶i Dachi Akõreba wausii machi ichi kĩra nuread̶amera. Maud̶eeba paru wid̶i jʉ̃ panuu kĩra, kʉ̃risia wid̶id̶eeba nibásturu. Maka machi Dachi Akõre daad̶e jipa, biꞌia nibad̶ai chi biawãra bed̶eaba jara b̶uu kĩra.

Filipenses 1:8

Dachi Akõreba kuitaa b̶uu mʉʉba Jesucristo ãrea kʉ̃ria b̶uud̶eeba joma machi sid̶a ãrea kʉ̃riakua b̶uu.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Filipenses 2:5

Jesucristoba kʉ̃risia b̶uad̶a kĩra kʉ̃risiásturu:

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 2:1

Mʉʉba kʉ̃ria b̶uu machiba nau kuitaad̶ai: mʉ dauchia jãadua ãrea traja b̶uu machi Colosad̶ebenarã, ãbarã Laodicea puurud̶ebenarã maud̶e joma ãbarã mʉ unud̶akau aid̶ai baita.

Colosenses 3:10

Paru chiwid̶i jʉ̃ʉduu kĩra machi chiwid̶i paneesid̶au. Dachi Akõreba maka wausii. Mau awara machi biꞌia wau kãrid̶au ichi kĩra nuread̶amera maud̶e ichi biꞌia unud̶amera.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

1 Tesalonicenses 2:7

Maumaarã daiba kʉ̃ria panuud̶eeba machi kariba panasid̶au chi naweba chi warrarã nubarii kĩra.

1 Timoteo 1:2

Timoteo, mʉʉba nau karta bichi baita b̶ʉʉruu. Mʉʉd̶eeba Cristod̶e ijãasiid̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba kĩra chuburia panad̶amera, ãchi sõbiad̶eeba aid̶a panad̶amera, maud̶e jirukaraayuwãe panabid̶amera.

Tito 1:4

Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.

Filemón 1:10

chi chuburia id̶i b̶uu chi bichi baita bari trajabarii Onésimo baita. Mau mʉ warr kĩra nii. Mʉ nama jʉ̃a b̶uud̶e mauba mʉʉd̶eeba Cristod̶e ijãasiid̶eeba mʉ warr kĩra b̶eesii.

Filemón 1:19

Ara mʉ juaba naka b̶ʉʉruu: mʉʉba mau deai b̶uu deai. ¡Kĩrabase mʉʉd̶ebena Cristod̶e ijãasiid̶eeba bichiba mʉʉmaa deai uru b̶uu!

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

1 Juan 2:12

Warrarã, mʉʉba nau karta machi baita b̶ʉ b̶uu Dachi Akõreba Cristod̶eeba machi kachirua perdonasiid̶eeba.

1 Juan 5:21

Mʉ warrarã, Dachi Akõre kuenda juaba ne kaped̶aad̶ad̶e ijãarã́sturu.

3 Juan 1:4

Mʉ ãbarãba chi biawãra bed̶ea ijãa panuu ũriiruud̶e, mʉ ãrea kĩrajʉʉ b̶uabarii.