Gálatas 4:15 - Emberá Chamí

¹⁵ ¿Sakasma chi machi kĩrajʉʉ naed̶e uru panad̶a? Mʉʉba biawãra jaraaruu machiba poyaa wauped̶aad̶a basirã ara machi dau noetad̶ai basii mʉʉmaa dead̶ai baita.

Gálatas 4:15 Iomraidhean Croise

Lucas 8:13

Netaa mo ʉ̃rʉ ioro bia wãꞌãed̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ãrea kĩrajʉʉ ũribadau, maamina ãrea karr jidaud̶akaud̶eeba sõd̶eeba ijãad̶akau. Maud̶eeba kãꞌãabariwãed̶e ãrea kachirua wauduud̶e ida b̶ubadau.

Romanos 10:2

Mʉʉba jaraaruu ãchiba Dachi Akõre biawãra kuitaa kʉ̃ria panuu. Maamina Dachi Akõreba kʉ̃ria b̶uu ʉ̃rʉbena biꞌiwãe kʉ̃risia panuu.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

2 Corintios 8:3

Mʉʉba jaraaruu: ãchiba sõbiad̶eeba chi nejarra ãchi poyaara deasid̶au. Maud̶e ãchiba poyaa dead̶ai panad̶a aude deasid̶au.

Gálatas 3:14

Makasii Dachi Akõreba Jesucristod̶eeba judiowãerã sid̶a karibamera ichiba naed̶e Abrahammaa karibai ad̶a kĩra. Dachiba Jesucristo ijãa panuud̶eeba Dachi Akõreba ichi Jauri deai jarad̶a irsibisid̶au.

Gálatas 4:14

Ẽpermo b̶uasmina machiba mʉ ida b̶ud̶aabasii maud̶e duabʉid̶aabasii. Maumaarã biꞌia irsibisid̶au Dachi Akõred̶e ángel irsibiiduu kĩra, Jesucristo irsibiiduu kĩra.

Gálatas 4:16

Mʉʉba biawãra jara b̶uud̶eeba ¿mʉ machi kĩramaa baika?

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Gálatas 6:4

Ab̶auba wau b̶uu ichiad̶ai bad̶amaarã dachiba wau panuu ichiad̶ai panuu, jipa wau panuu kuitaad̶ai. Maka ara dachiba wau panuu kakua kĩrajʉʉ panad̶ai.

Colosenses 4:13

Mʉʉba jaraaruu: ãba Epafras biawãra traja b̶uu machi aid̶ai baita maud̶e joma ãbarã Laodicea puurud̶ebenarã maud̶e Hierápolis puurud̶ebenarã aid̶ai baita.

1 Tesalonicenses 2:8

Daiba machi ãrea kʉ̃ria panuud̶eeba bari chi Dachi Akõre ʉ̃rʉbena bed̶ea bia machimaa jaradead̶akau, maud̶e machi ne jomad̶e aid̶ad̶ai baita panasid̶au.

1 Tesalonicenses 5:13

Ãchi ʉ̃rʉbena biꞌia kʉ̃risiásturu. Maarãba wau panuu kakua ãrea kʉ̃riásturu. Jomaurã ome biꞌia duanásturu.