Gálatas 4:12 - Emberá Chamí

¹² Ãbarã, mʉ machi judiowãe kĩra b̶uai baita, Moisesba b̶ʉd̶a ida b̶usii. Maud̶eeba mʉʉba machimaa chi chuburia id̶iiruu mʉ kĩra mau Moisesba b̶ʉd̶ad̶e panarãad̶amera. Naed̶e machiba mʉʉmaa kachirua waud̶aabasii, maumaarã biꞌia wausid̶au.

Gálatas 4:12 Iomraidhean Croise

Hechos 21:21

Maamina bichi ʉ̃rʉbena setaa ũrisid̶au. Waabenarãba ãchimaa jarasid̶au bichiba joma judiorã griego tãed̶e nureerãmaa Moisés ida b̶ubi b̶uu, ãchi warrarã mukĩra chi kakua tõobiakau maud̶e waabena dachi judiorãba waubadau sid̶a waubiakau.

2 Corintios 2:5

Biawãra ab̶auba kachirua wau b̶uud̶eeba mʉ kĩra nomaabisii. Maamina mʉ́turu kĩra nomaabiibasii, maumaarã beraa joma machi sid̶a kĩra nomaabiasii. (Mʉʉba «beraa joma machi» jara b̶uu, ichiba waud̶a aude kachirua b̶uu a b̶uuwãed̶eeba).

2 Corintios 6:11

Ãbarã Corintod̶ebena, daiba sõd̶eeba machi ãrea kʉ̃ria panuud̶eeba arakʉd̶e jara panuu.

2 Corintios 6:13

Maud̶eeba mʉʉba machimaa chi chuburia id̶iiruu akõreba ichi warrarãmaa chi chuburia id̶ibarii kĩra: daiba sõd̶eeba machi kʉ̃ria panuu kĩra machia bid̶a sõd̶eeba dai kʉ̃ria panásturu.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

Gálatas 4:13

Kuitaa panuu mʉʉba machimaa chi bed̶ea bia Cristo ʉ̃rʉbena naa jarad̶e wãsiid̶e, mʉ ẽpermo b̶uasiid̶eeba machimaa jaradea b̶eesii.

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

Gálatas 6:18

Ãbarã, mʉʉba kʉ̃ria b̶uu Dachi Mechiu Jesucristoba ichi sõbiad̶eeba joma machi aid̶a b̶uai. Biꞌia b̶uu maka b̶uai.