Gálatas 3:9 - Emberá Chamí

⁹ Maud̶eeba chi Abrahamba ijãad̶a kĩra ijãa nuree Dachi Akõreba joma aid̶ai Abraham aid̶ad̶a kĩra.

Gálatas 3:9 Iomraidhean Croise

Romanos 4:11

Abrahamba Dachi Akõred̶e ijãasiid̶eeba, mukĩra chi kakua tõowẽa b̶uasmina Dachi Akõreba ichi nebʉraswãe nii asii. Mau kuitaabiai baita Abrahamba mawãare mukĩra chi kakua tõosii. Mukĩra chi kakua tõowẽa nureerãba Dachi Akõred̶e ijãaduubʉrã, Abraham ãchi akõrebʉ, Dachi Akõreba nebʉraswãe nuree a jara b̶uud̶eeba, ichi kĩra ijãasid̶aud̶eeba.

Romanos 4:16

Dachi Akõreba deai jarad̶a dachiba adaud̶ai ichid̶e ijãa panuud̶eeba. Dachi Akõreba ichi sõbiad̶eeba mau bari dea b̶uu. Maud̶eeba joma Abraham ẽbẽrarã, chi Moisesba b̶ʉd̶ad̶eeba panuurãba mau biawãra adaud̶ai. Maamina ãchiaburu adaud̶aabai, maumaarã judiowãerã bid̶a Abraham kĩra Dachi Akõred̶e ijãaduubʉrã adaud̶ai. Maka Abraham joma dachi, chi Dachi Akõred̶e ijãabadaurã akõrebʉ.

Romanos 4:24

Maumaarã dachi ʉ̃rʉbena sid̶a berrea b̶uu, dachiba ijãa panuud̶eeba Dachi Akõreba nebʉraswãe nuree a jara b̶uud̶eeba. Dachi Akõreba Dachi Mechiu Jesús biu b̶uad̶a chokae jiradubisii. Dachiba ara maud̶e ijãa panuu.

Gálatas 3:14

Makasii Dachi Akõreba Jesucristod̶eeba judiowãerã sid̶a karibamera ichiba naed̶e Abrahammaa karibai ad̶a kĩra. Dachiba Jesucristo ijãa panuud̶eeba Dachi Akõreba ichi Jauri deai jarad̶a irsibisid̶au.

Gálatas 3:29

Machi Cristod̶ed̶eeba biawãra Abraham warrarãbʉ. Mauba Dachi Akõreba machi karibasii ichiba Abrahammaa dachi karibai asiid̶eeba.

Gálatas 4:28

Isaac chi naweba adausii Dachi Akõreba Abrahammaa maka jarasiid̶eeba. Ãbarã, Isaac kĩra, dachi Dachi Akõre warrarã paneesid̶au ichiba maka jarasiid̶eeba.