Gálatas 3:27 - Emberá Chamí

²⁷ Machi boro easid̶aud̶e Cristo kĩra paneesid̶au unubisid̶au.

Gálatas 3:27 Iomraidhean Croise

Lucas 15:22

Maamina chi akõreba ichi baita bari trajabadaurãmaa jarasii: “Paru bia adaud̶aped̶a jãumaa jʉ̃bísturu. Ichi juad̶e sortija jʉ̃bísturu. Mau awara jʉ̃rʉd̶e jʉ̃badau sid̶a jʉ̃bísturu.

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Hechos 8:16

Maka wausid̶au Dachi Akõre Jauri wabid̶a mau ãbarãmaa neewẽa b̶uasiid̶eeba. Ab̶aburu Dachi Mechiu Jesús trʉ̃d̶eeba boro easid̶au.

Hechos 9:18

Ara makʉd̶e Saulo daud̶ebena b̶eda kara kĩra panuu b̶aesid̶au. Maud̶e waya biꞌia unu b̶eesii. Jiraduped̶a boro eabisii.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

1 Corintios 10:2

Mau mard̶e maud̶e jʉ̃rʉara ekare joma ãchi Moisés ome ãbua panasiid̶eeba Moisés trʉ̃d̶eeba boro eaped̶aad̶a kĩra panasid̶au.

1 Corintios 12:13

Chi nuree dachid̶ebena dachi judiorãbʉ, chi nuree dachid̶ebena judiowãerãbʉ, chi nuree dachid̶ebena chi chibari baita bari trajabadaurãbʉ, chi nuree dachid̶ebena chibariswãe nureerãbʉ. Maamina Dachi Akõre Jauri ara ab̶a niiba dachi jomaurã kakua ab̶ad̶e b̶usii. Joma dachiba Dachi Akõre Jauri arab̶au nii adausid̶au.

Efesios 4:24

Mau kʉ̃risia wid̶i Dachi Akõreba wausii machi ichi kĩra nuread̶amera. Maud̶eeba paru wid̶i jʉ̃ panuu kĩra, kʉ̃risia wid̶id̶eeba nibásturu. Maka machi Dachi Akõre daad̶e jipa, biꞌia nibad̶ai chi biawãra bed̶eaba jara b̶uu kĩra.

Colosenses 3:10

Paru chiwid̶i jʉ̃ʉduu kĩra machi chiwid̶i paneesid̶au. Dachi Akõreba maka wausii. Mau awara machi biꞌia wau kãrid̶au ichi kĩra nuread̶amera maud̶e ichi biꞌia unud̶amera.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.