Gálatas 3:21 - Emberá Chamí

²¹ Maka b̶uubʉrã Dachi Akõreba Moisesmaa ichi bed̶ea b̶ʉbisiid̶e ¿ichiba Abraham ome bed̶ea dead̶a ida b̶uska? ¡Makawãema! Moisesba b̶ʉd̶aba dachi poyaa chokae panad̶ai basirã, mau b̶ʉd̶a wau panuud̶eeburu Dachi Akõreba dachi chi jipa nuree baara duanui basii.

Gálatas 3:21 Iomraidhean Croise

Lucas 20:16

Araa wãped̶a maarã joma kenaped̶a ichi uva uu nub̶uu waabenarãmaa deai nud̶amera». Chi aria panuurãba mau ũrisid̶aud̶e jarasid̶au: —¡Mau makaabasirã ara b̶uas!

Romanos 3:31

Jesusd̶e ijãa panuud̶eeba ¿Moisesba b̶ʉd̶a ida b̶u panuka? Makawãema, maumaarã mau Moisesba b̶ʉd̶a biꞌia b̶uu unubadau.

Romanos 3:4

Makawãema. Dachi Akõreba waui jarad̶a biawãra joma waui. Ẽbẽrarã setaa jarabadamina Dachi Akõreba waubarii ichiba jara b̶uu kĩra. Ichi Bed̶ead̶e naka b̶ʉ kub̶uu: «Jomaurãba kuitaad̶ai bichiba jara b̶uu jipa b̶uu; ab̶auba bichi ʉ̃rʉbena kachirua jaraaruud̶e bichiba kuitaabiai bichi jipa nii».

Romanos 3:6

¡Biawãra makawãema! Dachi Akõre maka jipa niiwãe basirã, ¿saka nau iujãad̶ebenarã nebʉra jipa ichiai basma?

Romanos 9:31

Maumaarã israeld̶ebenarãba Dachi Akõre puuru jipa b̶uu bad̶ai jʉrʉ panasii, chi ley waubachid̶aud̶eeba. Maamina poyaa maka waud̶aabasii.

2 Corintios 3:7

Dachi Akõreba Moisesmaa ichi ley mokara peed̶ead̶e deasiid̶e, ichi ted̶echoaba Moisés kĩedarrmaa jẽratĩusii. Maud̶eeba israeld̶ebenarãba Moisés kĩedarr poyaa ichiad̶aabasii. Mau kĩrawãrea b̶uu bikãa wãꞌãemaa b̶uasmina wabid̶a poyaa ichiad̶aabai panasid̶au. Biawãra Dachi Akõreba ichi kĩrawãreaba unubisii mau Moisesba b̶ʉd̶a ãrea biꞌia b̶uu. Maamina ichiba bed̶ea chiwid̶i dead̶a ichi Jauriba kuitaabi b̶uud̶eeba ¿Moisesba b̶ʉd̶a audeara aude biꞌia b̶uwẽka?

Gálatas 2:17

Dachiba jʉrʉsid̶au Cristod̶eeba Dachi Akõreba dachi chi jipa nuree baara duanumera. Maud̶eeba waabenarãmaarã dachi kachirua waubadaurãbʉ, chi Moisesba b̶ʉd̶a ida b̶usid̶aud̶eeba. Makarã ¿Cristoba dachimaa kachirua waubia b̶uka? ¡Makawãema!

Gálatas 2:19

Naed̶e mʉ Moisesba b̶ʉd̶ad̶eeba nibasii. Maamina mau Moisesba b̶ʉd̶ad̶ebena wãsii. Maka mʉ Dachi Akõre baita chokae b̶eesii.

Gálatas 2:21

Dachi Akõreba ichi sõbiad̶eeba waud̶a mʉʉba ida b̶uwẽe. Moisesba b̶ʉd̶a wau panuud̶eeba chi jipa nuree baara panasirã, Cristo bari biui basii.

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Hebreos 7:18

Chi naa b̶ʉd̶a Dachi Akõreba wãꞌãebisii ab̶a bid̶a aid̶akaud̶eeba,

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.