Gálatas 3:2 - Emberá Chamí

² Mʉʉba nau machimaa id̶iiruu: Dachi Akõre Jauri irsibisid̶aud̶e ¿machiba chi Moisesba b̶ʉd̶a wau panasid̶aka? Maebʉrã ¿chi bed̶ea Jesús ʉ̃rʉbena ũriped̶aad̶a ijãasid̶aka?

Gálatas 3:2 Iomraidhean Croise

Hechos 15:8

Dachi Akõreba jomaurã sõ kuitaa b̶uu. Mau judiowãerãba ijãasid̶aud̶e Dachi Akõreba kuitaabiasii ãchi biꞌia irsibisii. Ichi Jauri ãchimaa deasii dachimaa naed̶e dead̶a kĩra.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Hechos 8:15

Need̶aped̶a Dachi Akõremaa ʉtaa id̶isid̶au maarãba ichi Jauri adaud̶amera.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

1 Corintios 9:21

Maud̶e chi Moisesba b̶ʉd̶a adua nuree tãed̶e b̶uud̶e mʉ ãchi kĩra b̶uabarii mʉʉd̶eeba Jesucristod̶e ijãad̶amera. Maamina mʉʉba Dachi Akõreba Moisesmaa b̶ʉbid̶a ida b̶ukau. Joma Cristoba waubi b̶uu kĩra waubarii.

2 Corintios 11:4

Dai diware nuree need̶aba Jesús ʉ̃rʉbena daiba jaradeaped̶aad̶a awara jaradearuud̶e maebʉrã chi Dachi Akõre Jauri machiba adauped̶aad̶a ʉ̃rʉbena awara jaradearuud̶e machiba kauwa ũribadau. Maud̶e chi bed̶ea bia machiba ijãaped̶aad̶a awara jaradearuud̶e kauwa ũribadau.

Gálatas 3:14

Makasii Dachi Akõreba Jesucristod̶eeba judiowãerã sid̶a karibamera ichiba naed̶e Abrahammaa karibai ad̶a kĩra. Dachiba Jesucristo ijãa panuud̶eeba Dachi Akõreba ichi Jauri deai jarad̶a irsibisid̶au.

Gálatas 3:3

¡Machi biawãra kʉ̃risiaswãe nuree! Cristod̶e ijãasid̶aud̶e naed̶e Dachi Akõre Jaurid̶eeba biꞌia nibasid̶au. ¿Jãabae ara machiba wau panuud̶eeba chi jipa nuree baara panad̶aika?

Gálatas 3:5

Dachi Akõreba ichi Jauri machimaa deasii awara, ẽbẽrarãba ne poyaa waud̶akau machi tãed̶e wau b̶uu. ¿Chi Moisesba b̶ʉd̶a machiba wau panasiid̶eeba maka wau b̶uka? ¿Maka wauwẽka chi bed̶ea bia Cristo ʉ̃rʉbena ũrid̶aped̶a ijãasid̶aud̶eeba?

Hebreos 2:4

Mau awara Dachi Akõreba ẽbẽrarãba ne poyaa waud̶akau mechiu aꞌawaraa waubiasii. Ichiba kʉ̃ria b̶uad̶a kĩra ichi Jauriba waubi b̶uu ichid̶irãcha dead̶akasii. Joma maud̶eeba kuitaabiasii mau bed̶ea biawãrabʉ.

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.

Hebreos 6:4

Waabenarã chi nureeba chi bed̶ea biawãra kuitaaped̶aad̶akaud̶e, Dachi Akõreba dea b̶uu kuitaaped̶aad̶akaud̶e, ichi Jaurid̶eeba ne adauped̶aad̶akaud̶e,

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.