Gálatas 3:19 - Emberá Chamí

¹⁹ Makarã ¿Dachi Akõreba sakãe Moisesmaa chi ichiba b̶ʉd̶a b̶ʉbisma? Maka wausii ẽbẽrarãba kachirua waubadau kuitaad̶amera. Ẽbẽrarã mau Moisesba b̶ʉsiid̶eeba panasid̶au ab̶a Abrahamd̶ebena neei b̶uad̶a neeruud̶aa, ichid̶eeba Dachi Akõreba karibai asiid̶eeba. Dachi Akõreba Moisesmaa mau ichiba b̶ʉd̶a angelerãd̶eeba deasii. Mau dead̶akare Moisesba ẽbẽrarãmaa deasii.

Gálatas 3:19 Iomraidhean Croise

Lucas 16:31

Maamina Abrahamba jarasii: “Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a ijãad̶awẽebʉrã, biud̶a chokae jiradud̶aba mau jaraaruubʉrã ijãad̶aabai”».

Juan 1:17

Dachi Akõreba naed̶e Moisesba b̶ʉd̶a deasii, maamina Jesucristod̶eeba dachimaa kuitaabiasii ichi biawãra saka nii maud̶e ichi sõbiad̶eeba dachi ãrea kariba b̶uu.

Juan 15:22

»Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.

Hechos 7:38

Maud̶e Moisés drua sirua wãꞌãe b̶uud̶e joma israeld̶ebenarã ome b̶uasii. Aria Sinaí ead̶e ichi ángel ome berreasii. Bed̶ea dachi saka nuread̶ai panuu ʉ̃rʉbena adauped̶a dachi nabẽraed̶ebenarãmaa jarasii.

Hechos 7:53

Dachi Akõreba angelerãd̶eeba Moisesba b̶ʉd̶a machimaa deasmina ¡machiba ijãad̶akau!

Romanos 2:13

Moisesba b̶ʉd̶a ũri panuud̶eeba ẽbẽrarã Dachi Akõre daad̶e jipa nuread̶aabai, maumaarã mau joma wau panuud̶eeba Dachi Akõreba maarã nebʉraswãe nuree ai.

Romanos 4:15

Mau Moisesba b̶ʉd̶a jara b̶uu kĩra wauwẽa panuud̶eeba, Dachi Akõreba dachi kastikai. Biawãra Moisesba b̶ʉd̶a wãꞌãe bad̶a basirã, nebʉra baraa panad̶aabai basii.

Gálatas 3:16

Ara mau kĩra Dachi Akõreba Abrahammaa, maud̶e chi ichid̶ebena neei b̶uumaa jarasii mauba jomaurã karibai. Dachi Akõre bed̶ead̶e b̶ʉwẽa b̶uu «Abrahamd̶ebena imid̶ai ẽbẽrarã» ãrea ẽbẽrarã jara b̶uu kĩra. Maumaarã b̶ʉ kub̶uu Dachi Akõreba Abrahamd̶ebena neei b̶uumaa maka jarasii ab̶au ʉ̃rʉbenáturu berrea b̶uud̶eeba. Mau Cristobʉ.

Hebreos 2:2

Dachi Akõreba naed̶e waubi b̶uad̶a bed̶ea angelerãd̶eeba deasii. Mau bed̶ea ẽbẽrarãba joma ũribaba waud̶ai panasii. Joma chi mau bed̶ea waud̶aka bad̶a, maud̶e kʉ̃riad̶aa bad̶a sid̶a Dachi Akõreba kastikakuabachii ara chi kachirua wauped̶aad̶a kĩra.

Hebreos 2:5

Chi drua wid̶i neei b̶uu daiba jara panuu, Dachi Akõreba angelerã juad̶e mau b̶uubasii.