Gálatas 2:19 - Emberá Chamí

¹⁹ Naed̶e mʉ Moisesba b̶ʉd̶ad̶eeba nibasii. Maamina mau Moisesba b̶ʉd̶ad̶ebena wãsii. Maka mʉ Dachi Akõre baita chokae b̶eesii.

Gálatas 2:19 Iomraidhean Croise

Romanos 4:15

Mau Moisesba b̶ʉd̶a jara b̶uu kĩra wauwẽa panuud̶eeba, Dachi Akõreba dachi kastikai. Biawãra Moisesba b̶ʉd̶a wãꞌãe bad̶a basirã, nebʉra baraa panad̶aabai basii.

Romanos 5:20

Dachi Akõreba Moisesmaa b̶ʉbisii, ẽbẽrarãba kuitaad̶amera ãchiba kachirua ãrea waubadau. Maamina ẽbẽrarãba kachirua ãrea wausid̶aud̶e Dachi Akõreba ichi sõbiad̶eeba ãrea kĩra chuburiasii.

Romanos 6:11

Ara mau kĩra kuitaad̶ai panuu machi kachiruad̶eeba biusid̶au maud̶e Dachi Mechiu Jesucristod̶eeba Dachi Akõre baita chokae panuu.

Romanos 6:14

Dachi Akõreba ichi sõbiad̶eeba machi karibasiid̶eeba maud̶e Moisesba b̶ʉd̶ad̶e duanuuwãed̶eeba, chi kachirua waa machi chibari b̶uabai.

Romanos 6:2

¡Biawãra maka waud̶aabai panuu! Dachi kachiruad̶eeba biusid̶au. Maud̶eeba ¿saka kachiruad̶e nibad̶aima?

Romanos 7:14

Dachiba kuitaa panuu Moisesba b̶ʉd̶a Dachi Akõre Jaurid̶eeba neesii. Maamina mʉ nau kakuad̶e b̶uu. Mʉ nedobʉid̶a kĩra b̶uu kachirua baita bari trajabarii b̶uamera.

Romanos 7:4

Ãbarã, ara mau kĩra machi Cristo baara panuud̶eeba ichi biud̶akare, Moisesba b̶ʉd̶ad̶eeba biusid̶au. Jãabae machi Cristod̶erãd̶eeba, Dachi Akõre baita poyaa biꞌia waud̶ai.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

1 Corintios 9:20

Mʉ judiorã tãed̶e b̶uud̶e judiorã kĩra b̶uabarii mʉʉd̶eeba Jesucristod̶e ijãad̶amera. Chi Moisesba b̶ʉd̶a ũribadaurã nuree tãed̶e b̶uud̶e mʉ mau Moisesba b̶ʉd̶ad̶eeba b̶uuwãemina mau kĩra b̶uabarii ãchiba mʉʉd̶eeba Jesucristod̶e ijãad̶amera.

2 Corintios 5:15

Biawãra Cristo jomaurã kakua biuped̶a chokae jiradusii dachi chokae nureeba ara dachiba wau kʉ̃ria panuu kĩra waa waurãad̶amera, maumaarã ichiba kʉ̃ria b̶uu kĩra wau panad̶amera.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Gálatas 3:10

Chi Moisesba b̶ʉd̶a wau panuud̶eeba chi Dachi Akõred̶e jipa nuree baara paneed̶ai kʉ̃risia nuree, nebʉra barau a b̶uu. Mau Moisesba b̶ʉd̶ad̶e naka b̶ʉ kub̶uu: «Nau Moisesba b̶ʉd̶a joma wauwẽa nii Dachi Akõreba nebʉra barau ai».

Gálatas 3:24

Biawãra Moisesba b̶ʉd̶aba dachi nu ua b̶uasii ab̶a Cristod̶e ijãaduud̶aa. Cristo neesiid̶e ichid̶e ijãa panuu kakua Dachi Akõreba dachi chi jipa nuree baara duanubarii.

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

Colosenses 2:20

Machi Cristo ome ãbua biusid̶aud̶eeba nau iujãad̶ebena jauri mechiurãd̶e ijãad̶aabai panuu. Mau ¿sakãe wabid̶a mau kʉ̃risia ijãa panuma nau iujãad̶ebenarã ijãabadau kĩra?

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Pedro 4:6

Maud̶eeba biud̶arãba chi bed̶ea bia Cristo ʉ̃rʉbena ũrisid̶au ãchi jauri chokae nuread̶amera, Dachi Akõre chokae b̶uu kĩra. Maamina ãchi chi kakua biusid̶au, Dachi Akõreba joma biud̶ai panuu asiid̶eeba.