Gálatas 1:6 - Emberá Chamí

⁶ Mʉ saka kʉ̃risiai adua b̶uu machiba kãꞌãabariwãed̶e Dachi Akõre ida b̶uped̶aad̶a. Ichiba machi iusii Cristo sõbiad̶eeba karibai baita, maamina machiba ãrea ũri panuu waabenarãba bed̶ea bia kĩra jara panuu.

Gálatas 1:6 Iomraidhean Croise

Marcos 6:6

Ichi puurud̶ebenarãba ijãad̶aabasiid̶eeba Jesusba ãrea kʉ̃risia b̶eesii. Jesusba puurucha jaradea nibasii.

Juan 9:30

Maud̶e chi dau pãriu b̶uad̶aba jarasii: —¿Sakaburu? ¿Saka machiba ichi samabena adua panuu a panuma? ¿Mauba mʉ dau aribiabid̶awãeka?

Hechos 15:11

¡Makawãema! Dachiba ijãa panuu Dachi Mechiu Jesusba ichi sõbiad̶eeba dachi maud̶e ãchi karibai.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

Romanos 8:30

Dachi Akõreba chi ichiba naed̶e duanud̶arã iukuasii, ichi Warr Jesús kĩra nuread̶amera. Chi ichiba iukuad̶a chi ichid̶irã jipa nuree baara b̶usii. Chi ichiba chi ichid̶irã jipa nuree baara duanud̶arãmaa ichi biꞌia niid̶ebena deai.

1 Corintios 4:15

Machiba Cristo ʉ̃rʉbena jaradeabadaurã ãrea uru panad̶a basirã wabid̶a akõre ab̶a uru panad̶ai basii. Mʉʉd̶eeba machiba chi bed̶ea bia Jesús ʉ̃rʉbena ijãaped̶aad̶ad̶eeba ichid̶eeba mʉ machi akõrebʉ.

2 Corintios 11:4

Dai diware nuree need̶aba Jesús ʉ̃rʉbena daiba jaradeaped̶aad̶a awara jaradearuud̶e maebʉrã chi Dachi Akõre Jauri machiba adauped̶aad̶a ʉ̃rʉbena awara jaradearuud̶e machiba kauwa ũribadau. Maud̶e chi bed̶ea bia machiba ijãaped̶aad̶a awara jaradearuud̶e kauwa ũribadau.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

Gálatas 1:11

Ãbarã, kuitásturu chi bed̶ea bia Cristo ʉ̃rʉbena mʉʉba machimaa jaradead̶a ẽbẽra kʉ̃risiad̶ebenawãe.

Gálatas 1:15

Maamina mʉ naweba mʉ adaui naed̶e Dachi Akõreba mʉ jʉrʉ adausii. Ichi sõbiad̶eeba mʉ iusii ichi baita bari trajabarii b̶uamera. Ichiba kʉ̃risiad̶a kĩra

Gálatas 1:7

Biawãra, chi bed̶ea bia june wãꞌãe. Maamina chi nureerãba machimaa biꞌiwãe kʉ̃risiabiabadau, chi bed̶ea bia Cristo ʉ̃rʉbena ãyaa jaradea panuud̶eeba.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Gálatas 2:5

Maamina ãchiba jaraped̶aad̶a daiba ne ab̶a bid̶a ijãad̶aabasii machiba chi bed̶ea bia biawãra Cristo ʉ̃rʉbena ewaricha uru nuread̶amera.

Gálatas 5:14

Moisesba b̶ʉd̶a nau bed̶ea ab̶aba joma jara b̶uu: «Ab̶au kʉ̃riáse ara bichi kʉ̃ria b̶uu kĩra».

Gálatas 5:4

Chi nuree machid̶ebenarãba kʉ̃risiabadau Moisesba b̶ʉd̶a waubadaud̶eeba, Dachi Akõreba chi jipa nureerã baara b̶ui. Cristo ãyaa wãsid̶au maud̶e ichi sõbiad̶eeba jipa duanubiad̶a ida b̶usid̶au.

2 Tesalonicenses 2:14

Daiba bed̶ea bia Cristo ʉ̃rʉbena jaradea panuud̶eeba Dachi Akõreba machi iusii Dachi Mechiu Jesucristo bia niid̶ebena adaud̶amera.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

1 Timoteo 1:3

Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

2 Timoteo 2:1

Warr, Jesucristo sõbiad̶eeba chaarea b̶uase.

1 Pedro 1:15

Dachi Akõreba machi iusii. Ichi ne jomad̶e jipa nii. Maud̶eeba machiba wauduucha jipa panásturu.

2 Pedro 1:3

Dachi Akõre kuitaa panuud̶eeba, ichi poyaabariid̶eeba dachimaa ne joma deasii ichiba kʉ̃ria b̶uu kĩra nibad̶amera maud̶e ewaricha ichi ome chokae nuread̶amera. Ichi chi mechiud̶eeba maud̶e jipa niid̶eeba dachi iuped̶a ne mechiu maud̶e ne bia dachi baita waui asii. Maka wau b̶uud̶eeba nau iujãad̶ebenarãba kachirua wau kʉ̃ria panuu machiba ida b̶ud̶aped̶a poyaa ichi kĩra jipa nuread̶ai.

Apocalipsis 22:21

Mʉʉba kʉ̃ria b̶uu Dachi Mechiu Jesusba ichi sõbiad̶eeba machi joma aid̶a b̶uai. Biꞌia b̶uu maka b̶uai.