Gálatas 1:19 - Emberá Chamí

¹⁹ Pedro awara, Jesucristoba bʉid̶arãd̶ebena, Dachi Mechiu ãba Santiagóturu unusii. Waabenarã mʉʉba unuubasii.

Gálatas 1:19 Iomraidhean Croise

Mateo 10:3

Felipe; Bartolomé; Tomás; Romad̶ebena baita chi nejarra pebarii b̶uad̶a Mateo; Alfeo warr Santiago; Tadeo;

Mateo 12:46

Jesusba wabid̶a ẽbẽrarãmaa berrea b̶uud̶e chi nawe, chi ãbarã awara panuu ichi ome berrea kʉ̃ria panasid̶au.

Mateo 13:55

¿Ichi dachi puurud̶ebena bakuruba ne kaebea waubarii warrwãeka? Ichi nawe ¿Mariawãeka? Ichi ãbarã ¿Santiago, José, Simón maud̶e Judaswãeka?

Marcos 3:18

Naarã sid̶a duanusii: Andrés, Felipe, Bartolomé, Mateo, Tomás, Alfeo warr Santiago, Tadeo maud̶e Simón Cananeo.

Marcos 6:3

¿Nau mukĩra bakuruba ne kaebea waubariiwãeka? ¿Nau María wauwãeka? ¿Santiago, José, Judas maud̶e Simón ichi ãbarãwãeka? ¿Ichi neekaurã sid̶a dachi tãed̶e panuuwãeka? Maarãba Jesusd̶e ijãad̶ai kʉ̃riad̶aabasii.

Lucas 6:15

Mateo, Tomás, Alfeo warr Santiago, Simón Celote abadau,

Lucas 8:20

Maud̶eeba waabenarãba ichimaa jarasid̶au: —Bichi nawe maud̶e bichi ãbarã awara panuu. Maarã bichi ichiad̶e nee panuu.

Hechos 1:13

Jerusalend̶e need̶aped̶a de jã ʉtʉbenad̶e ãchi panabadaumaa wãsid̶au. Ãchi naarã basii: Pedro, Juan, Santiago, Andrés, Felipe, Tomás, Bartolomé, Mateo, Alfeo warr Santiago, Simón Celote maud̶e Santiago warr Judas.

Hechos 12:17

Maamina Pedroba ichi juaba jarasii chũpead̶amera. Maabae joma nebʉrʉsii sakaburu Dachi Mechiuba ichi jʉ̃a b̶uad̶a aid̶asii. Joma nebʉrʉped̶a jarasii: —Joma mau Santiagomaa maud̶e waabena ãbarãmaa jarásturu. Maad̶akare Pedro ãyaa wãsii.

1 Corintios 9:5

Waabenarã Jesusba bʉid̶arã, Dachi Mechiu Jesús ãbarã maud̶e Pedro ãchi wẽrarã ome ãbua nibabadau. Ara maarã kĩra ¿Jesusd̶e ijãa b̶uu wẽra ome kãiped̶a, mʉ ome ãbua uru nibaabai b̶uka?

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.