Gálatas 1:17 - Emberá Chamí

¹⁷ Maud̶e mʉ Jerusalend̶aa wãabasii chi mʉ naed̶e Jesucristoba bʉid̶arãmaa id̶ii baita. Maumaarã mʉ Arabia druad̶aa wãsii. Maad̶akare Damasco puurud̶aa waya wãsii.

Gálatas 1:17 Iomraidhean Croise

Hechos 9:10

Damasco puurud̶e Jesucristod̶e ijãabarii ab̶a Ananías abadau b̶uasii. Dachi Mechiuba mau daumaa unubiiruba naka jarasii: —¡Ananías! Ichiba panausii: —Mʉ nama b̶uu, mʉ Mechiu.

Hechos 9:19

Maabae koped̶a kakua waya meserãa b̶eesii. Ewari aribia b̶eebasii Damascod̶ebena Cristod̶e ijãabadaurã baara.

Hechos 9:8

Saulo jeed̶abena jiradusii, maamina ichi dau bũasiid̶e, poyaa unuubasii. Maabae chi ichi ome wãaduuba ichi juad̶e jidaud̶aped̶a Damasco puurud̶aa adoesid̶au.

Gálatas 1:18

Año õbea bad̶akare mʉ Jerusalend̶aa wãsii Pedro unui baita. Aria 15 ewari mau ome b̶uasii.