Filemón 1:22 - Emberá Chamí

²² Mau awara mʉʉba kʉ̃risia b̶uu machiba Dachi Akõremaa ʉtaa id̶i panuud̶eeba mʉ wãi. Maka mʉ machimaa poyaa wãi. Maud̶eeba mʉ kãi b̶eei baita bid̶a uru b̶uase.

Filemón 1:22 Iomraidhean Croise

Hechos 27:24

Mauba mʉʉmaa jarasii: “Wapearã́se, Pablo. Bichi Romad̶ebena chi aude mechiu daad̶e berreai b̶uu. Bichi kakua, Dachi Akõreba joma nau jãbad̶e wãaduu ida kinibiabai”.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Romanos 15:24

España druad̶aa wãaruud̶e machimaa wãi kʉ̃ria b̶uu. Machi baara kĩrajʉʉ b̶uad̶auped̶a kʉ̃ria b̶uu machiba poyaa aid̶ad̶ai mʉ biꞌia wãmera.

2 Corintios 1:11

Machia bid̶a dai baita Dachi Akõremaa ʉtaa id̶i panuud̶eeba aid̶a panuu. Ãreaba maka ʉtaa id̶i panuud̶eeba ãreaba Dachi Akõremaa bichíturu kid̶ibai ad̶ai ichi sõbiad̶eeba dai aid̶a b̶uu baita.

Filipenses 1:19

mʉʉba kuitaa b̶uud̶eeba mʉ namabena awara wãaruu, machiba Dachi Akõremaa ʉtaa id̶i panuud̶eeba maud̶e Jesucristoba dead̶a Jauriba aid̶a b̶uud̶eeba.

Filipenses 2:24

Maamina kʉ̃risia b̶uu Dachi Mechiuba mʉ aid̶ai, kãꞌãabariwãed̶e mʉ sid̶a machimaa wãmera.

Hebreos 13:19

Michuburia, mʉ baita Dachi Akõremaa ʉtaa id̶ísturu waya isa machimaa wãbimera.

Hebreos 13:23

Kuitásturu dachi ãba Timoteo jʉ̃a b̶uad̶a awara wãsii. Mau isa mʉʉmaa neeruubʉrã, machi ichiad̶e wãaruud̶e mʉʉba mau adooi.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.

2 Juan 1:12

Mʉʉba machimaa ãrea jara kʉ̃ria b̶umina nau kartad̶e joma b̶ʉwẽma. Mʉʉba machi ichiad̶e wã kʉ̃ria b̶uu. Maud̶e machi ome ãbua berread̶ai ãrea kĩrajʉʉd̶ai baita.

3 Juan 1:14

Isa bichi ichiad̶e wã kʉ̃ria b̶uu. Maabae ãbua berread̶ai.