Filemón 1:14 - Emberá Chamí

¹⁴ Maamina bichiba wáubad̶e awẽed̶e maka waui kʉ̃riabasii. Mʉʉba chi chuburia id̶i b̶uu bichimaa makai kʉ̃riawẽed̶e waubiibai, maumaarã kʉ̃ria b̶uu bichiaburu maka wau kʉ̃ria b̶uai.

Filemón 1:14 Iomraidhean Croise

1 Corintios 9:17

Ara michi kʉ̃ria jaradea b̶uubʉrã, chi nejarra adaui b̶uu. Maamina ara michi kʉ̃ria jaradeawẽa b̶uu. Dachi Akõréburu mʉʉmaa jaradeabisiid̶eeba, mʉʉba makai b̶uu.

1 Corintios 9:7

¿Kokoroa ara ichi chi nejarraba chĩod̶e wãbarika? ¿Chi uva uud̶a uru b̶uuba ichi uva jõbariiwãeka? ¿Oeja nubariiba oeja ju b̶aa dobariiwãeka?

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

2 Corintios 8:12

Biawãra ab̶auba poyaa dearuu kĩra sõbiad̶eeba dearuubʉrã, mau dead̶a Dachi Akõreba biꞌia unui. Ab̶auba deai baita uru b̶uuwãebʉrã, Dachi Akõreba deábad̶e akau.

2 Corintios 9:5

Maud̶eeba mʉʉba naarã ãbarãmaa chi chuburia id̶isii mʉ naa machimaa jarad̶e wãd̶amera machiba sõbiad̶eeba dead̶ai aped̶aad̶a joma ped̶amera. Maka mʉ neeruud̶e mau joma uru panad̶ai. Mauba unubiad̶ai daiba deábad̶e ad̶awẽa panuu, maumaarã machiba sõbiad̶eeba deasid̶au.

2 Corintios 9:7

Ẽbẽraba ab̶aab̶acha deai b̶uu ichi sõd̶e kʉ̃risia b̶uu kĩra. Deamaa b̶uud̶eeba deabai b̶uu, maebʉrã deábad̶e a panuud̶eeba deabai b̶uu. Chi kĩrajʉʉba dea b̶uu Dachi Akõreba kʉ̃ria b̶uu.