Efesios 6:9 - Emberá Chamí

⁹ Ara mau maka, machi chi chibarirã bid̶a chi machi baita bari trajabadaurã biꞌia wáusturu. Ãchi iadaad̶ai arã́sturu. Kĩrabásturu chi maarã Chibari bajãad̶ebena ara machi Chibaribʉ. Ichiba joma arab̶aud̶e ichiabarii.

Efesios 6:9 Iomraidhean Croise

Mateo 22:10

Ara makʉd̶e chi trajabadaurã o b̶eecha wãsid̶au. Ẽbẽra bia nureerã maud̶e chi kachirua nureerã ãrea neesid̶au. Maka chi de mechiu ẽbẽrarãba pĩchuka kob̶eesii.

Mateo 22:8

»Mau maad̶akare chi reyba chi trajabadaurãmaa jarasii: “Mʉ warr miakãid̶ai kĩrajʉʉ bara b̶uabarii ewari joma wausii maamina chi mʉʉba iud̶arã nama need̶aabai panuu.

Mateo 24:48

Maamina mau trajabarii kachirua niibʉrã, ichi sõd̶e “mʉ chibari isa neebai” ai.

Mateo 24:51

Maabae chi chibariba ãrea kastikaped̶a chi setaa ẽbẽra bia nuree abadau ome jʉ̃a bʉikai. Aria jomaurã kĩra nomaa jẽa panad̶ai maud̶e chi puaba kid̶a kʉrrʉa ko panad̶ai.

Mateo 7:12

Machiba kʉ̃ria panuu waabenarãba machimaa biꞌia waud̶ai. Maud̶eeba, ara mau kĩra machiba waabenarãmaa biꞌia wáusturu, Moisesba b̶ʉd̶ad̶e maud̶e Dachi Akõre baita berreabadaurãba b̶ʉd̶ad̶e maka jara b̶uud̶eeba.

Lucas 6:31

Machiba kʉ̃ria panuu waabenarãba machimaa biꞌia waud̶ai. Maud̶eeba, ara mau kĩra machiba waabenarãmaa biꞌia wáusturu.

Juan 13:13

Machiba mʉʉmaa “mʉ Jaradeabarii” abadau maud̶e “mʉ Mechiu abadau”. Biawãra arakʉd̶e jara panuu, mʉ maka niid̶eeba.

Hechos 10:34

Maud̶e Pedroba jarasii: —Biawãra ʉ̃raburu mʉʉba kuitaaruu Dachi Akõreba ab̶a chi ab̶au aude kʉ̃riakau.

Romanos 2:11

Dachi Akõreba ẽbẽrarã joma ara mau kĩra nebʉra ichiai.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

1 Corintios 7:22

Chi chibari baita bari trajabarii Dachi Akõreba iud̶a Dachi Mechiuba kachiruad̶ebena karibasii ichi baita ne wau b̶uamera. Maud̶e chi chibari baita bari trajabariiwãe, jãabae Cristo baita bari trajabariibʉ.

Colosenses 3:25

Maamina chi kachirua wau b̶uu Dachi Akõreba kastikai. Ichiba joma arab̶aud̶e kastikabarii.

Colosenses 4:1

Ne chibarirã, jipa wáusturu chi machi baita bari trajabadaurã ome. Kuitaa panuu machia bid̶a machi Chibari bajãad̶e uru panuu.

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

Santiago 2:8

Machiba Moisesba b̶ʉd̶ad̶ebena chi mechiu b̶uu biawãra wau panuubʉrã, biꞌia wau panuu. Dachi Akõre bed̶ead̶e mau Moisesba b̶ʉd̶ad̶e naka jara b̶uu: «Waabenarã kʉ̃riáse ara bichi kʉ̃ria b̶uu kĩra».

Santiago 5:4

Machi ne uu nub̶uud̶e trajabadaurãmaa chi nejarra dead̶awẽa panuu ãchi traju bare. Maud̶eeba ãchiba Dachi Akõremaa ʉtaa id̶i panuu kastikamera. ¡Ũrísturu! Dachi Mechiu chi joma poyaa wau b̶uuba ũrisii maarãba ʉtaa id̶iped̶aad̶a.