Efesios 6:23 - Emberá Chamí

²³ Ãbarã, mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a machi aid̶ad̶ai chiya kʉ̃ria panad̶amera maud̶e biꞌia ijãa panad̶amera. Maud̶e mʉʉba kʉ̃ria b̶uu maarãba jirukaraayuwãe panabiad̶ai.

Efesios 6:23 Iomraidhean Croise

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Romanos 1:7

Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

Romanos 15:33

Mʉʉba kʉ̃ria b̶uu chi Dachi Akõre dachi jirukaraayuwãe duanabiabarii joma machi baara b̶uai. Biꞌia b̶uu maka b̶uai.

1 Corintios 1:3

Daiba kʉ̃ria panuu Dachi Bajãad̶ebena Akõreba maud̶e Dachi Mechiu Jesucristo ãchi sõbiad̶eeba machi kariba panad̶ai maud̶e jirukaraayuwãe panabiad̶ai.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Gálatas 6:16

Mʉʉba kʉ̃ria b̶uu joma chi mʉʉba jara b̶uu kĩra ijãa nuree Dachi Akõreba kĩra chuburia b̶uai maud̶e jirukaraayuwãe b̶uabiai. Maarã ẽbẽrarã Dachi Akõred̶erãbʉ.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

1 Tesalonicenses 5:8

Maamina dachi chi ãyadaabenad̶eeba kĩrabia nuread̶ai panuu. Cristod̶e ijãa panad̶ai panuu, waabenarã kʉ̃ria nuread̶ai panuu maud̶e Dachi Akõreba kastikai bad̶ad̶ebena karibai esed̶au panad̶ai panuu. Maka ara dachi biꞌia nu panad̶ai, kokoroaba ichi borod̶e chaarea b̶uu jʉ̃barii kĩra, maud̶e kakuad̶e jʉ̃barii chaarea jʉ̃barii kĩra.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

2 Tesalonicenses 3:16

Daiba kʉ̃ria panuu Dachi Mechiu jirukaraayuwãe panabibariiba machimaa ewaricha jirukaraayuwãe ne jomad̶e panabiamera. Kʉ̃ria panuu Dachi Mechiu machi ome b̶uamera.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

1 Timoteo 1:3

Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.

1 Timoteo 5:8

Ab̶aba ara ichi ded̶ebenarã aid̶akaubʉrã, Dachi Akõre bed̶ea ida b̶u b̶uu. Mau Cristod̶e ijãad̶akaurã audeara kachirua wau b̶uu.

1 Pedro 5:14

Biawãra kʉ̃riad̶eeba chiya irsibid̶ai panásturu. Mʉʉba kʉ̃ria b̶uu joma machi, Jesucristo ome nuree jirukaraayuwãe nuread̶ai.

3 Juan 1:14

Isa bichi ichiad̶e wã kʉ̃ria b̶uu. Maabae ãbua berread̶ai.

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.