Efesios 6:19 - Emberá Chamí

¹⁹ Maud̶e mʉ baita Dachi Akõremaa ʉtaa id̶i panásturu. Ichimaa ʉtaa id̶ísturu mʉʉmaa kuitaabimera saka Cristo ʉ̃rʉbena berreai b̶uu. Maka mʉʉba wapeawẽa ẽbẽrarãmaa kuitaabiai chi bed̶ea bia Cristo ʉ̃rʉbena, Dachi Akõreba naed̶e kuitaabiwẽa b̶uad̶a.

Efesios 6:19 Iomraidhean Croise

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 14:3

Maamina Pablo maud̶e Bernabé aria aribia panasid̶au. Dachi Mechiuba kariba b̶uu sõd̶eeba ijãa panuud̶eeba ichi ʉ̃rʉbena wapeawẽa jaradeabachid̶au. Maud̶e Dachi Mechiuba ãchi aid̶asii ẽbẽrarãba ne poyaa waud̶akau waud̶amera. Maka kuitaabiasii ichi sõbiad̶eeba ãchiba jaradea panuu biawãra.

Hechos 18:26

Maud̶e Apolosba judiorã araa ãbua imibadau ded̶e wapeawãe jaradea b̶uasii. Ichiba jaradea b̶uu Aquilaba maud̶e Priscilaba ũrisid̶au. Maud̶eeba ichi ãyaa adoed̶aped̶a Dachi Akõre O ʉ̃rʉbena biꞌia jaradeasid̶au.

Hechos 19:8

Jed̶ako õbea Pablo judiorã araa ãbua imibadau deed̶aa wã b̶uabachii. Aria wapeawẽa judiorã ome berrea b̶uabachii Dachi Akõreba ichi warr Jesusd̶eeba, ichid̶irã ichi juad̶e ua b̶uu ʉ̃rʉbena, mau ãchiba ijãad̶amera.

Hechos 2:4

Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Hechos 4:29

»Jãabae Dai Mechiu, ichiáse chi daimaa kachirua waud̶ai berrea panuurãmaa maud̶e bichi bed̶ea daimaa aude wapeawẽa jaradeabiáse.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Hechos 9:27

Maamina Bernabeba Saulo adoesii chi Jesusba bʉid̶arãmaa. Maabae ichiba nebʉrʉsii saka Sauloba Dachi Mechiu od̶e unusii, Dachi Mechiu ichi ome berread̶a maud̶e saka Sauloba Damasco puurud̶e Jesús ʉ̃rʉbena wapeawẽa berreabachii.

Hechos 9:29

Judiorã chi griego bed̶ead̶e berreabadaurã ome Jesús ʉ̃rʉbena berreabachii maamina ichi bead̶ai kʉ̃ria panasid̶au.

Romanos 15:30

Ãbarã, Dachi Akõre Jaurid̶eeba dachi chiya kʉ̃ria panuu. Maud̶eeba Dachi Mechiu Jesucristod̶eeba mʉʉba machimaa chi chuburia id̶iiruu mʉ aid̶ad̶ai Dachi Akõremaa ʉtaa id̶id̶amera.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

1 Corintios 1:5

Jesucristo ome panuud̶eeba Dachi Akõreba machimaa joma deasii biꞌia waud̶amera. Ichi bed̶ea poyaa kuitaa jaradea panad̶ai maud̶e ichi ʉ̃rʉbena poyaa ãrea kuitaa panad̶ai.

1 Corintios 2:7

Daiba chi Dachi Akõre kʉ̃risia kuitaa naed̶e kuitaabiawẽa b̶uad̶a jaradea panuu. Nau iujãa waui naed̶e Dachi Akõreba mau kʉ̃risia kuitaad̶eeba ne waui b̶usii dachi ichi ome ãbua biꞌia nuread̶amera.

1 Corintios 4:1

Maka machiba kʉ̃risiad̶ai panuu dai Cristo baita bari trajabadaurã. Dachi Akõreba dai b̶usii chi ichi ʉ̃rʉbena naed̶e kuitaabiawẽa b̶uad̶a jaradead̶amera.

2 Corintios 1:11

Machia bid̶a dai baita Dachi Akõremaa ʉtaa id̶i panuud̶eeba aid̶a panuu. Ãreaba maka ʉtaa id̶i panuud̶eeba ãreaba Dachi Akõremaa bichíturu kid̶ibai ad̶ai ichi sõbiad̶eeba dai aid̶a b̶uu baita.

2 Corintios 3:12

Mau bed̶ea chiwid̶i dead̶a biawãra wãꞌãekau kuitaa panuud̶eeba daiba biꞌia jaradeabadau.

2 Corintios 6:11

Ãbarã Corintod̶ebena, daiba sõd̶eeba machi ãrea kʉ̃ria panuud̶eeba arakʉd̶e jara panuu.

2 Corintios 7:4

Mʉʉba machimaa biawãra berrea b̶uu maud̶e machi kakua mʉ kĩrajʉʉ b̶uu. Dai ãrea biꞌiwãe panuud̶e mʉ machi kakua sõbiad̶eeba b̶uabarii maud̶e ãrea kĩrajʉʉ b̶uabarii.

2 Corintios 8:7

Machiba ne jomad̶e ãrea biꞌia wau panuu: Jesusd̶e ãrea ijãa panuu, ãrea berrea kuitaa panuu, Dachi Akõred̶eeba ãrea ne kuitaa panuu, Dachi Akõreba kʉ̃ria b̶uu kĩra ãrea wau kʉ̃ria panuu maud̶e dai ãrea kʉ̃ria panuu. Maud̶eeba machiba sõbiad̶eeba chi nejarra pe panuu ãrea deásturu.

Efesios 1:9

Ichiba wau kʉ̃ria b̶uu naed̶e kuitaabiawẽa b̶uasii. Maamina dachimaa kuitaabiasii ichi sõbiad̶eeba maka kʉ̃ria b̶uasiid̶eeba. Ichiba Cristod̶eeba nabẽraed̶eed̶e waui kʉ̃risia b̶uad̶a

Efesios 3:9

Chi ne joma waud̶a Dachi Akõreba mʉ b̶usii jomaurãmaa kuitaabiamera saka wausii ichiba arab̶aed̶eed̶e waui kʉ̃risia b̶uad̶a. Mau waui kʉ̃risia b̶uad̶a naed̶e kuitaabiawẽa b̶uasii.

Colosenses 2:2

Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

1 Tesalonicenses 5:25

Ãbarã, dai baita Dachi Akõremaa ʉtaa id̶ísturu.

2 Tesalonicenses 3:1

Mau awara ãbarã, dai baita Dachi Akõremaa ʉtaa id̶ísturu Dachi Mechiu bed̶ea druacha isa wãmera maud̶e ẽbẽrarãba mau kakua biꞌia jarad̶amera machi tãed̶eeba makad̶a kĩra.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Filemón 1:22

Mau awara mʉʉba kʉ̃risia b̶uu machiba Dachi Akõremaa ʉtaa id̶i panuud̶eeba mʉ wãi. Maka mʉ machimaa poyaa wãi. Maud̶eeba mʉ kãi b̶eei baita bid̶a uru b̶uase.

Hebreos 13:18

Dai baita Dachi Akõremaa ʉtaa id̶ísturu. Dai ne jomad̶e jipa nibad̶ai kʉ̃ria panuu maud̶e kuitaa panuu kachirua waud̶awẽa panuu.