Efesios 6:1 - Emberá Chamí

¹ Warrarã, machi akõrerã bed̶ea ũribaba ũrísturu Dachi Mechiuba kʉ̃ria b̶uu kĩra, maka jipa b̶uud̶eeba.

Efesios 6:1 Iomraidhean Croise

Lucas 2:51

Maabae Jesús ãchi baara Nazaretd̶aa wãsii. Ãchiba jaraaduu ichiba joma waubachii. Joma Jerusalend̶e makad̶a chi naweba ãrea biꞌia kʉ̃risia b̶uabachii.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

Romanos 16:2

Dachi Mechiu trʉ̃d̶eeba biꞌia irsibísturu ẽbẽrarã Dachi Akõred̶erãba waud̶ai panuu kĩra. Ichiba ẽbẽrarã ãrea aid̶asii. Mʉ sid̶a ãrea aid̶asii. Maud̶eeba ne jomad̶e ichi aid̶ásturu.

Romanos 7:12

Biawãra Moisesba b̶ʉd̶a Dachi Akõred̶ebʉ, maud̶e chi waubi b̶uu bed̶ea Ichid̶ibʉ, jipa b̶uu maud̶e ãrea biꞌia b̶uu.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

1 Timoteo 5:4

Maamina pẽdrãaba warrarã ua b̶uubʉrã, ãichekerã ua b̶uubʉrã, maarãba mau pẽdrãa aid̶ad̶ai panuu. Ãchiba ãrea kuitaad̶ai panuu saka ãchi ded̶ebenarã aid̶ad̶ai panuu. Ãchi akõrerãmaa ne kaebea dead̶ai panuu ãchi tatarãba ãchimaa dea panad̶a kĩra. Mau Dachi Akõre daad̶e jipa b̶uu.

1 Pedro 2:13

Dachi Mechiu Jesucristo baita joma nau iujãad̶ebena karrarã bed̶ea ijã́sturu. Nau iujãad̶ebena karrba jaraaruu ijã́sturu ichi chi mechiu niid̶eeba.