Efesios 5:9 - Emberá Chamí

⁹ Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.

Efesios 5:9 Iomraidhean Croise

Mateo 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a.

Juan 1:47

Jesusba Natanael ichimaa neeruu unusiid̶e, jarasii: —¡Ichiásturu! Nau biawãra israeld̶ebenabʉ. Ichiba ab̶a bid̶a setaa kũruakau.

Romanos 15:14

Ãbarã, mʉʉba kuitaa b̶uu machiba biꞌia biawãra wau panuu maud̶e ãrea kuitaa panuud̶eeba poyaa chiya jaradead̶ai.

Romanos 2:4

Bichiba ida b̶u b̶uu Dachi Akõre dachi ome ãrea sõbia b̶uu, joma dauchia jãadua b̶uu maud̶e kachirua waud̶a isa kastikakau. ¿Bichiba adua b̶uka Dachi Akõre bichi ome sõbia b̶uabariid̶eeba maud̶e chi ichiba kʉ̃ria b̶uud̶eeba bichi kachirua waubarii ida b̶ubarii ichimaa neemera?

Efesios 4:15

Maumaarã kʉ̃riad̶eeba chi biawãra bed̶ea ijãad̶ai panuu ne jomad̶e Dachi Mechiu Cristo kĩra nuread̶ai baita.

Efesios 4:25

Maud̶eeba setaa ida b̶ústuru. Ab̶aburu biawãráturu waabenarã ome berreásturu, joma dachi arab̶au kakuad̶ebenad̶eeba.

Efesios 6:14

Maud̶eeba biawãra bed̶ea ijãa panuud̶eeba chaarea nureásturu, kokoroaba kʉrrd̶e jʉ̃barii jʉ̃ b̶uu kĩra. Jipa nibásturu kachiruad̶e b̶aebiarãad̶amera, kokoroaba ichi kakuad̶e chaarea b̶uu jʉ̃barii kĩra.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Colosenses 3:18

Wẽrarã kima bara nuree, machi kimarãba jara panuu ijãa panásturu. Machi Dachi Mechiu Jesús ome panuud̶eeba maka waud̶ai panuu.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

Hebreos 1:8

Maamina ichi Warr ʉ̃rʉbenáturu Dachi Akõreba naka jarasii: «Dachi Akõre, bichi ewaricha jomaurã rey b̶uai. Bichi puuru jipa ua b̶uai.

Hebreos 11:33

Dachi Akõred̶e ijãa panasiid̶eeba chi nureeba drua poyaasid̶au, chi nureeba ãchi drua jipa uru nureasii maud̶e chi nureeba drua nau iujãad̶e Dachi Akõreba deai jarad̶a irsibisid̶au. Dachi Akõred̶e ijãa panasiid̶eeba chi nuree Dachi Akõreba imamamaa ida kobiabasii.

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.