Efesios 5:3 - Emberá Chamí

³ Machi ẽbẽrarã Dachi Akõred̶erãd̶eeba machi kakuaba barikiu kachirua waud̶aabai panuu, kĩra nejasia waud̶aabai panuu maud̶e waabenarãba uru b̶ee kʉ̃riad̶aabai panuu. Mau ʉ̃rʉbena ab̶au bid̶a b̶istĩika bid̶a berread̶aabai panuu.

Efesios 5:3 Iomraidhean Croise

Mateo 15:19

Ẽbẽra sõd̶ebena nakʉ kʉ̃risia kachirua awara wãbarii: mia beayu; ab̶a miakãid̶a junebena ome kãi nub̶eeyu; waabenarã ome ne kachirua wauyu; chiruayu; setaa jarayu; ab̶au ʉ̃rʉbena miadaa berreayu; makʉ kʉ̃risia.

Lucas 12:15

Maud̶e ichiba jomaurãmaa jarasii: —¡Kauwa panásturu! Chi nejarra uru panad̶ai kʉ̃ria panarã́sturu. Barau niid̶eeba dachi chokae b̶uakau.

Lucas 16:14

Jesusba jarad̶a fariseorãba joma ũri duanasid̶au. Ãchiba chi nejarra kʉ̃riabadaud̶eeba Jesús atua jara kopaneesid̶au.

Hechos 15:20

Maumaarã kartad̶e b̶ʉd̶ai panuu Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Hechos 20:33

»Mʉʉba waabena chi nejarra, nee, maebʉrã paru ara mʉ baita kʉ̃riabasii.

Romanos 1:29

Ne joma kachirua waubadau. Mia pera b̶uu waubadau, ne joma uru panad̶ai kʉ̃riabadau, waabenamaa kachirua waubadau, waabenarãba uru panuu kakua kachirua kʉ̃risiabadau, mia beabadau, berreayaa panabadau, waabenarã setaa kũruabadau maud̶e waabenarã ʉ̃rʉbena kachirua kʉ̃risiabadau.

Romanos 16:2

Dachi Mechiu trʉ̃d̶eeba biꞌia irsibísturu ẽbẽrarã Dachi Akõred̶erãba waud̶ai panuu kĩra. Ichiba ẽbẽrarã ãrea aid̶asii. Mʉ sid̶a ãrea aid̶asii. Maud̶eeba ne jomad̶e ichi aid̶ásturu.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

1 Corintios 10:8

Dachi kakuaba barikia kachirua waud̶aabai panuu waabenarãba wauped̶aad̶a kĩra. Ãchiba maka wau panuu kakua ara ewari ab̶ad̶e 23.000 kinisid̶au.

1 Corintios 5:1

Ẽbẽrarãba jara panuu machi tãed̶e ab̶a kĩra nejasia waubarii. Jara panuu mauba chi akõre wẽra ichi wẽra kĩra uru b̶uu. Biawãra Jesucristod̶e ijãad̶akaurã bid̶a mau kachirua waud̶akau.

1 Corintios 6:13

Maud̶e waabenarãba jarabadau: «Chiko dachi b̶i baita b̶uu, maud̶e dachi b̶i ãnimara kiuru baita b̶uu». (Maka b̶umina Dachi Akõreba mau omea wãꞌãebii). Maamina dachi kakuaba barikia kachirua waui b̶uai baita b̶uuwãe, maumaarã Dachi Mechiu baita b̶uu.

1 Corintios 6:18

Dachi kakuaba barikia kachirua b̶aꞌãra bid̶a waurã́sturu. Kachirua june ãyaa wauruubʉrã, mauba dachi kakua biꞌiwãe b̶eebikau. Maamina kakuad̶eeba kachirua wauruubʉrã, dachi kakua kachirua b̶eei.

2 Corintios 12:21

Mʉʉba wapea b̶uu machimaa waya neeruud̶e Dachi Akõreba mʉ kaebeu kĩra b̶ui, machi kakua. Maud̶e ãrea machiba naed̶e kachirua wau panad̶a wabid̶a wau panuud̶eeba mʉ jẽai. Machiba chi Dachi Akõremaarã biꞌiwãe waubadau, dachi kakuaba barikia kachirua waubadau maud̶e waabenarã daad̶e kĩra nejasia waubadau wabid̶a mau ida b̶ud̶awẽa panuud̶eeba jẽai.

Efesios 5:12

Biawãra dachi kĩra nejasiad̶ai panuu ãchiba kachirua miru waubadau ʉ̃rʉbena berread̶ai baita.

Efesios 5:5

Machiba kuitaa panuu junebena wẽra ome kãibadau, ne kĩra nejasia kachirua wau nibabadau, maud̶e ne joma uru panad̶ai kʉ̃riabadau chi Cristo maud̶e Dachi Akõreba dead̶ai a panuu adaud̶aabai. Ne joma uru b̶uu kʉ̃ria b̶uai Dachi Akõre kuenda juaba ne kaped̶aad̶ad̶e ijãa b̶uu kĩra b̶uu, Dachi Akõre audeara, chi ichiba uru b̶uai kʉ̃ria b̶uu aude ijãa b̶uud̶eeba.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Colosenses 3:5

Maud̶eeba joma nau iujãad̶ebena kʉ̃risia machi sõd̶e b̶uu ida b̶ústuru. Dachi kakuaba barikiu kachirua waurã́sturu, mia kĩra nejasia waurã́sturu, ne mia pera waurã́sturu, kʉ̃risia kachirua kʉ̃risiarã́sturu, maud̶e ne kaebea ãrea uru panad̶ai kʉ̃ria panarã́sturu. Chi ne kaebea ãrea kʉ̃ria b̶uu, Dachi Akõre kuenda juaba ne kaped̶aad̶ad̶e ijãa b̶uu kĩra nii.

1 Tesalonicenses 4:3

Dachi Akõreba kʉ̃ria b̶uu machi ichi baita biꞌia nuread̶amera. Maud̶eeba machi kakuaba barikiu kachirua waurã́sturu.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

1 Timoteo 2:10

Maumaarã Dachi Akõre wapea panuud̶eeba, wẽrarãba biꞌia wau panuud̶eeba ãrea biꞌia kapipia jʉ̃badau kĩra panad̶ai panuu.

1 Timoteo 3:3

Itua biu nibaabai b̶uu. Kĩrubi id̶aa nibaabai b̶uu, maumaarã kĩrabia b̶uai b̶uu. Jomaurã ome jirukaraayuwãe b̶uai b̶uu. Chi nejarra kʉ̃ria nibaiswãe b̶uai b̶uu.

1 Timoteo 6:10

Chi nejarra kʉ̃ria b̶uud̶eeba ne kachirua ãrea neebarii. Ara mau kʉ̃ria panuud̶eeba waabenarãba Cristod̶e ijãa panad̶a ida b̶usid̶au. Maka ãchi ãrea biꞌiwãe panasid̶au.

2 Timoteo 3:2

Ẽbẽrarãba joma ara ãchi baita kʉ̃ria panad̶ai, chi nejarra kʉ̃ria panad̶ai, ãchi biꞌia nuree a panad̶ai, chi mechiu nuree kʉ̃risia panad̶ai, waabenarã ʉ̃rʉbena kachirua jara panad̶ai, ãchi akõrerã bed̶ea ijãad̶akau panad̶ai, ãchi aid̶aaruu ẽbẽramaa ichíturu kid̶ibai ad̶akau panad̶ai maud̶e Dachi Akõre wapead̶akau panad̶ai.

Tito 1:11

Ãchiba chi jaradeabai b̶uu jaradea panuud̶eeba decha ẽbẽrarãmaa biꞌiwãe kʉ̃risiabiabadau. Ab̶a chi nejarra bareburu jaradeabadau. Maarãmaa ida jaradeabiarã́se.

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Tito 2:3

Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

Hebreos 12:16

Kauwa panásturu machi tãed̶e ab̶a bid̶a chi dachi kakuad̶eeba barikiu kachirua waurãad̶amera maud̶e chi Esaú kĩra Dachi Akõre ʉ̃rʉbena biꞌiwãe kʉ̃risiarãad̶amera. Esaú chi warr imina basiid̶eeba chi akõreba uru b̶uud̶ebena ãrea adaui b̶uasii. Maamina ichi ãbaba chiko b̶es ab̶a kobid̶a kakua, ichiba adooi b̶uad̶a joma ichi ãbamaa deasii.

1 Pedro 5:2

Dachi Akõreba ãbarã machi juad̶e b̶ud̶a ãrea nústuru. Maka waurã́sturu waabenarãba maka waubi panuud̶eeba. Maumaarã nu kʉ̃ria panuud̶eeba maka wáusturu. Chi nejarra kʉ̃ria panuud̶eeba nurã́sturu, maumaarã sõd̶eeba nu kʉ̃ria panuud̶eeba maka wáusturu.

2 Pedro 2:10

Chi nau kakuaba kachirua wau kʉ̃ria b̶uu waubadaurã maud̶e chi Dachi Akõre mʉ Mechiu ad̶ai kʉ̃riad̶akaurã aude kastikai. Setaa jaradeabadaurã kachirua waud̶ai baita perad̶akau. Ãrea kuitaa nuree kĩra panabadau. Jauri kachiruarã chi mechiu nuree ʉ̃rʉbena kachirua jarad̶ai baita wapead̶akau.

2 Pedro 2:14

Ãibena wẽra ome kãi paneebadau. Ne joma kachirua wau b̶uuba kĩrased̶akau. Chi ãrea ijãawẽa nuree setaa kũruabadau. Ne joma kʉ̃riabadau. Mau kakua Dachi Akõreba ãchi nebʉra ichiai.

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.

Apocalipsis 2:21

Mʉʉba esed̶au b̶uasii jãuba chi kakuaba barikiu kachirua wau b̶uu ida b̶uped̶a Dachi Akõremaa neemera. Maamina mau kachirua ida b̶ui kʉ̃riabasii.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.

Apocalipsis 9:21

Maud̶e mia beabadau, waabenarã ẽpermabadau, dachi kakuaba barikiu kachirua waubadau maud̶e chiruabadau ida b̶ud̶aabasii.