Efesios 5:26 - Emberá Chamí

²⁶ Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

Efesios 5:26 Iomraidhean Croise

Juan 13:10

Maud̶eeba Jesusba jarasii: —Ẽbẽra kuid̶akare ichi jʉ̃rʉ waa jeraabai b̶uu ichi kakua joma biꞌia jeraasiid̶eeba. Machi joma jeraa nuree, maamina ab̶a jeraawẽa b̶uu.

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

Juan 15:8

Machi Dachi Akõreba kʉ̃ria b̶uu ãrea wauduubʉrã unubid̶ai biawãra mʉ baara nibabadau. Maka unubid̶ai mʉ Chacha chi mechiu nii.

Juan 17:7

Mauba kuitaa panuu joma mʉʉba uru b̶uu bichid̶ebena nee b̶uu.

Juan 3:5

Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.

Hechos 22:16

¡Waa esed̶ause! Jiraduped̶a bichi boro eabise. Ʉtaa id̶ise. Bichiba kachirua waud̶a ichiba joma perdonai”.

Romanos 10:8

Maamina Dachi Akõre bed̶ead̶e naka b̶ʉ kub̶uu: «Bichiba Dachi Akõre bed̶ea kuitaai aude chaareawẽa b̶uu. Bichi iiba ichi bed̶ea jarai b̶uu maud̶e bichi sõd̶eeba ijãai b̶uu». Ichi bed̶ea daiba naka jaradea panuu jomaurãba ijãad̶amera:

1 Corintios 6:11

Naed̶e machid̶ebena chi nuree maka nureasii. Maamina machiba kachirua wauped̶aad̶a Dachi Akõreba jeraasii, ichi baita biꞌia b̶usii, maud̶e nebʉraswãe nii asii Dachi Mechiu Jesucristod̶eeba maud̶e ichi Jaurid̶eeba.

2 Corintios 11:2

Dachi Akõreba nubia b̶uu kĩra mʉʉba machi ãrea nu kʉ̃ria b̶uu. Ẽbẽraba ichi kau kima dearuu kĩra mʉʉba machi Cristomaa dea kʉ̃ria b̶uu ara ichid̶irã nuread̶amera. Mʉʉba kʉ̃ria b̶uu machi ichi baita ãrea biꞌia nuread̶ai ãwera mukĩra adua b̶uu kĩra.

Efesios 6:17

Maud̶e sõd̶eeba ãrea kuitásturu Dachi Akõreba machi biawãra karibasii, kokoroaba ichi borod̶e chaarea b̶uu jʉ̃barii kĩra. Mau awara Dachi Akõre bed̶ea ichi Jaurid̶eeba ãrea kuitásturu. Dachi Akõre bed̶ea espada kĩra b̶uu, kachirua ome poyaabariid̶eeba.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 10:10

Dachi Akõreba kʉ̃ria b̶uu Jesucristoba joma wausii. Ara ichi ida beabisii. B̶es ab̶a maka waud̶aba dachi ewaricha Dachi Akõre baita biꞌia b̶usii.

Hebreos 10:14

Cristoba b̶es ab̶a ara ichi ida beabisiid̶eeba chi Dachi Akõre baita awara b̶ud̶arã jipa duanusii, maka ewaricha nuread̶amera.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Hebreos 10:29

Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?

Hebreos 13:12

Ara mau kĩra Jesús puuru awara ãrea biꞌiwãe b̶uasii ichi oaba ẽbẽrarã Dachi Akõre baita biꞌia b̶ui baita.

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.

2 Pedro 1:9

Maamina chi maka wauwẽa b̶uu dau tõroroa b̶uu kĩra b̶uu, maebʉrã dau pãriu b̶uu kĩra b̶uu. Ichiba kĩrabaabasii chi naed̶e kachirua wau b̶uad̶a Dachi Akõreba joma jeraasii.

1 Juan 5:6

Mau ara ichi Jesucristo, chi nau iujãad̶aa neeped̶a baniad̶e boro eabid̶a maud̶e ichi oa cruzd̶e ched̶abʉ. Nau iujãad̶aa neeped̶a baniad̶éburu boro eabasii, maumaarã ichi oa sid̶a cruzd̶e chesii. Dachi Akõre Jauriba kuitaabia b̶uu mau biawãra, ichiba chi biawãra bed̶ea kuitaabiabariid̶eeba.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.