Efesios 5:21 - Emberá Chamí

²¹ Cristo wapea panuud̶eeba arab̶aud̶e chiya ijã́sturu.

Efesios 5:21 Iomraidhean Croise

1 Corintios 16:16

Mʉʉba machimaa chi chuburia id̶iiruu ãchi maud̶e joma ãchi kĩra nuree ũrid̶amera. Joma Dachi Akõre traju waubadaurã maud̶e ãbarã aid̶abadaurã ũrísturu.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Efesios 5:22

Wẽrarã kima bara nuree, machi kimarãba jara panuu ijãa panásturu, machiba Dachi Mechiu Cristo bed̶ea ijãa waubadau kĩra.

Efesios 5:24

Cristo ẽbẽrarãba ichi bed̶ea ijãabadau kĩra wẽraba ichi kima bed̶ea joma ijãa b̶uai b̶uu.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

1 Timoteo 2:11

Ãbarã araa ãbua imiiduud̶e wẽrarãba chũpea ũrid̶ai panuu maud̶e chi ijãabadaurã nubadaurã wapea panad̶ai panuu.

1 Timoteo 3:4

Ichi ded̶ebenarã ãrea nu kuitaa b̶uai b̶uu, ichi warrarã ũribaba nuread̶ai b̶uu maud̶e ãchiba ichi wapead̶ai panuu.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

1 Pedro 2:13

Dachi Mechiu Jesucristo baita joma nau iujãad̶ebena karrarã bed̶ea ijã́sturu. Nau iujãad̶ebena karrba jaraaruu ijã́sturu ichi chi mechiu niid̶eeba.

1 Pedro 2:17

Jomaurã wapeásturu. Ãbarã ãrea kʉ̃riásturu. Dachi Akõre wapeásturu. Nau iujãad̶ebena karr chi mechiu sid̶a wapeásturu.

1 Pedro 5:5

Kũudrãarã, chõrarãba jaraaduu ijã́sturu. Jomaurã chiya aid̶a nuread̶ai panuu waabena audeara chi mechiu nii kʉ̃risiad̶awẽa. Dachi Akõre bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabiakau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».