Efesios 5:19 - Emberá Chamí

¹⁹ Dachi Akõre bed̶ead̶e b̶ʉ kub̶uu karibadau, ãbarãba karibadau maud̶e Dachi Akõre Jauriba karibi b̶uu chiya karibad̶ai baita ãbua karísturu. Dachi Mechiumaa sõd̶eeba karísturu biꞌia berread̶ai baita.

Efesios 5:19 Iomraidhean Croise

Mateo 15:8

Nau puurud̶ebenarãba mʉʉmaa biꞌia berreabadau, maamina biawãra ãchi sõd̶eeba mʉʉd̶e kʉ̃risiad̶akau.

Mateo 26:30

Maabae Dachi Akõre bed̶ea ʉ̃rʉbena karid̶aped̶a Olivo ead̶aa wãsid̶au.

Hechos 16:25

Ẽsabud̶e ẽsa baaruud̶e Pabloba maud̶e Silasba Dachi Akõremaa ʉtaa id̶i panasid̶au maud̶e ichimaa kari panasid̶au. Mau waabena jʉ̃a duanuurãba ũri panasid̶au.

1 Corintios 14:15

Makarã ¿sakaima? Mʉ jauriba Dachi Akõremaa ʉtaa id̶ii maamina mʉʉba chi mau kuitaa b̶uu bed̶ead̶e bid̶a ʉtaa id̶ii. Mʉ jauriba Dachi Akõremaa biꞌia karii, maamina chi mʉʉba kuitaa b̶uu bed̶ead̶e bid̶a karii.

1 Corintios 14:26

Maud̶eeba ãbarã, ¿saka arakʉd̶e waud̶aima? Machi araa ãbua imiiduud̶e ab̶auba Dachi Akõre bed̶ead̶ebena kari karii b̶uu, ab̶auba Dachi Akõre bed̶ea jaradeai b̶uu, ab̶auba Dachi Akõreba unubid̶a jarai b̶uu, ab̶auba dachiba ũrid̶akau bed̶ead̶e berreai b̶uu maud̶e ab̶auba mau berread̶a kuitaa jarai b̶uu. Maamina joma mau waud̶ai panuu ãbarãba biꞌia ijãad̶amera.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Santiago 5:13

Machid̶ebena ab̶a ãrea biꞌiwãe b̶uubʉrã, Dachi Akõremaa ʉtaa id̶i b̶uu. Ab̶a kĩrajʉʉ b̶uubʉrã, karid̶eeba Dachi Akõremaa biꞌia berreai b̶uu.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.