Efesios 5:11 - Emberá Chamí

¹¹ Pãriud̶ebenarãba kachirua waubadaud̶eeba ne bia neekau. Maud̶eeba arab̶au waurã́sturu, maumaarã kuitaabiásturu ãchiba waubadau kachiruabʉ.

Efesios 5:11 Iomraidhean Croise

Mateo 18:15

»Bichi ãbaba bichimaa kachirua wauruubʉrã, ichimaa wãped̶a machi du ab̶a panuud̶e, berreáse kuitaabiyua chi kachirua waud̶a. Ichiba bichi bed̶ea ũriiruubʉrã, chi sõ arab̶aud̶e b̶eei.

Lucas 3:19

Maamina Juanba Galilead̶ebena chi jaradea ua b̶uabarii Herodes iadaabachii mauba wẽra uru b̶uu Herodías kakua. Mau Herodías biawãra Herodes ãba Felipe wẽra basii. Mau awara Juanba ichi iadaabachii ne joma kachirua waud̶a kakua.

Romanos 13:12

Nau ewari kachirua wãꞌãemaa b̶uu ẽsabud̶ebena ewarimaa b̶uu kĩra. Maud̶eeba dachiba kachirua ida b̶ud̶aped̶a biꞌia waud̶ai panuu. Maka kachiruad̶ebena joma nu panad̶ai kokoroaba ichi ʉ̃rʉ chaarea b̶uu jʉ̃barii ãyadaa jʉ̃ b̶uu kĩra.

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

Romanos 6:21

Maamina kachirua wau panuud̶eeba ¿kãare biꞌia adausid̶ama? ¿Maka wau panad̶a kakua, kĩra nejasia panuuwãeka? Kachirua wau panuu kakua ẽbẽrarã biud̶ai.

Gálatas 6:8

Maud̶eeba nau kakuaba kachirua wau kʉ̃ria b̶uu ab̶auba wau b̶uubʉrã, Dachi Akõreba mau ẽbẽra ichiai. Maamina Dachi Akõre Jauriba kʉ̃ria b̶uu ab̶auba wau b̶uubʉrã, Dachi Akõreba mau ẽbẽra ewaricha ichi ome chokae b̶ui.

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Efesios 5:12

Biawãra dachi kĩra nejasiad̶ai panuu ãchiba kachirua miru waubadau ʉ̃rʉbena berread̶ai baita.

Efesios 5:7

Maud̶eeba kachirua waubadaurã ome arab̶au waurã́sturu.

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

1 Tesalonicenses 5:7

Chi kãi duaneebadaurã ẽsabud̶e kãi duaneebadau maud̶e chi itua biu nureerã ẽsabud̶e itua dobadau.

2 Tesalonicenses 3:14

Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.

1 Timoteo 5:20

Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

1 Timoteo 5:22

Bichi jua ab̶au ʉ̃rʉ bid̶a isa kub̶urã́se, ijãabadaurã nubarii b̶uamera. Bichiba maka wauruubʉrã, mauba kachirua waud̶abʉrã bichi sid̶a nebʉrad̶e b̶uai mau kachirua baita. Joma kachiruad̶ebena awara b̶uase.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Timoteo 3:5

Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.

Apocalipsis 18:4

Maabae mʉʉba ũrisii ab̶auba bajãad̶ebena naka jaraaruu: «Mʉ ẽbẽrarã, Babiloniad̶ebena wãurísturu mau puurud̶ebenarãba kachirua wau panuu waurãad̶amera. Maka Dachi Akõreba maarã kastikakuaruud̶e, machi kastikaabai.