Efesios 4:21 - Emberá Chamí

²¹ Ãbarãba chi biawãra bed̶ea Cristo ʉ̃rʉbena biꞌia jaradeasid̶au maud̶e biawãra machiba ichi ʉ̃rʉbena ũrid̶aped̶a ijãasid̶au.

Efesios 4:21 Iomraidhean Croise

Mateo 17:5

Pedro maka berrea b̶uud̶e jʉ̃rʉara ʉ̃d̶aa b̶uu ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».

Lucas 10:16

Maabae ichi baara nibabadaurãmaa jarasii: «Machi bed̶ea ijãa b̶uuba mʉ bed̶ea ijãa b̶uu. Machi ida b̶u b̶uuba mʉ ida b̶u b̶uu. Maud̶e chi mʉ ida b̶u b̶uuba chi mʉ Bʉid̶a sid̶a ida b̶u b̶uu».

Juan 1:17

Dachi Akõreba naed̶e Moisesba b̶ʉd̶a deasii, maamina Jesucristod̶eeba dachimaa kuitaabiasii ichi biawãra saka nii maud̶e ichi sõbiad̶eeba dachi ãrea kariba b̶uu.

Juan 10:27

Mʉ oejarãba mʉ mimi kauwa kuitaa panuu. Mʉʉba ãchi unubarii. Maud̶eeba ãchiba mʉ baara wãbadau.

Juan 14:17

Ichi Dachi Akõre Jauribʉ. Ichiba Dachi Akõre biawãra kuitaabiabarii. Nau iujãad̶ebenarãba ichi poyaa adaud̶aabai, unud̶akaud̶eeba maud̶e adua panuud̶eeba. Maud̶e machiaburu ichi kuitaa panuu, machi baara b̶uud̶eeba maud̶e machi sõd̶e b̶uud̶eeba.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Romanos 10:14

Maamina ẽbẽrarãba wabid̶a Dachi Mechiu Jesucristod̶e ijãad̶awẽa panuud̶e ¿saka ichimaa chi chuburia ʉtaa id̶id̶aima? Ichi ʉ̃rʉbena wabid̶a ũrid̶awẽa panuud̶e ¿saka ijãad̶aima? Maud̶e ab̶au bid̶a ãchimaa jaradead̶e wãwẽebʉrã ¿saka ichi ʉ̃rʉbena ũrid̶aima?

2 Corintios 1:20

Biawãra Dachi Akõreba waui jarad̶a joma Cristod̶eeba waubarii. Maud̶eeba dachiba Dachi Akõremaa ʉtaa id̶iiduud̶e Cristod̶eeba biꞌia b̶uu maka b̶uai abadau. Maka ichi ʉ̃rʉbena biꞌia jara panuu.

2 Corintios 11:10

Cristo mʉ sõd̶e b̶uud̶eeba biawãra jaraaruu: Mʉʉba machid̶eeba chi nejarra adauwẽa b̶uu aaruud̶e, chi waabenarã audeara nii kĩra jara b̶uu. Acaya druad̶ebenarã ab̶au bid̶a poyaa jarad̶aabai mʉʉba maka jaraabai b̶uu.

Efesios 1:13

Mau awara machi judiowãerã bid̶a chi biawãra bed̶ea ũrisid̶aud̶e, mau dachi karibai bed̶ea bia ijãasid̶au. Maka Cristod̶e ijãasid̶aud̶e Dachi Akõreba ichi Jauri machimaa deasii ichiba jarad̶a kĩra. Dauchaa b̶uu kĩra mauba kuitaabia b̶uu machi ichid̶irã.

Efesios 2:17

Cristo neesii, chi bed̶ea bia Dachi Akõre ome jirukaraayuwãe b̶uai ʉ̃rʉbena machimaa jarai baita, chi Dachi Akõred̶ebena kaitawẽ panad̶amaa maud̶e chi Dachi Akõre kaita panad̶amaa.

Colosenses 1:5

Machi maka panuu, kuitaa panuud̶eeba Dachi Akõreba machi baita ne bia bajãad̶e nu uru b̶uu. Mau machiba naed̶e ũrisid̶au chi bed̶ea biawãra Jesucristo ʉ̃rʉbena machimaa neesiid̶e. Mau bed̶ea bia

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.