Efesios 4:16 - Emberá Chamí

¹⁶ Ichid̶eeba joma dachi ichi kakuabʉ. Chi dachi kakuad̶e jid̶iu kara b̶eeba chiya aid̶ad̶ai. Dachicha waud̶ai panuu kĩra wauduud̶e jomaurã kʉ̃riad̶eeba biꞌia wari kãri bad̶ai.

Efesios 4:16 Iomraidhean Croise

Juan 15:5

»Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

Romanos 12:4

Dachi kakua ab̶a b̶umina dachi kakuad̶e ãrea panuu: jua, jʉ̃rʉ, boro, maucha ne joma. Maamina dachi kakuad̶e nureerãba arab̶aud̶e waud̶akau.

1 Corintios 10:17

Dachiba pan ab̶a b̶uu ãrea b̶ʉakuaped̶a kobadau. Ara mau kĩra dachi ãrea panumina kakua ab̶a b̶uu kĩra nuree.

1 Corintios 13:13

Nau õbea panuu wãꞌãekau: ne jomad̶e biꞌia ijãa b̶uai, esed̶au b̶uai joma biꞌia neemera maud̶e waabenarã kʉ̃ria b̶uai. Mau õbead̶ebena, ab̶au kʉ̃ria b̶uai chi aude bibuara b̶uu.

1 Corintios 8:1

Jãabae Dachi Akõre kuenda juaba ne kaped̶aad̶amaa ãnimara kiuru baa dead̶a ʉ̃rʉbena mʉʉba jaraaruu. Machiba jara panuu mau ʉ̃rʉbena kʉ̃risia kuitaa panuu. Maamina chi kʉ̃risia kuitaaba dachi waabenarã audeara biꞌia b̶uu kʉ̃risiabiabarii. Dachiba waabenarã kʉ̃ria panuud̶eeba waabenarã aid̶abadau.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

Efesios 3:17

Maud̶e ʉtaa id̶i b̶uu ijãa panuud̶eeba Cristo machi sõd̶e b̶uamera maud̶e machi ne jomad̶e kʉ̃riad̶eeba panad̶amera. Maka chaarea nuread̶ai ãrea karr jidau panuu kĩra.

Efesios 3:7

Dachi Akõreba ichi sõbiad̶eeba mʉ ichi baita trajabarii b̶usii mau bed̶ea bia Cristo ʉ̃rʉbena jaradeamera. Ichi poyaabariid̶eeba maka wausii.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Efesios 4:15

Maumaarã kʉ̃riad̶eeba chi biawãra bed̶ea ijãad̶ai panuu ne jomad̶e Dachi Mechiu Cristo kĩra nuread̶ai baita.

Filipenses 1:9

Mʉʉba Dachi Akõremaa ʉtaa id̶i b̶uu machi ãrea chiya kʉ̃ria nuread̶amera, ichi biꞌia kuitaad̶amera maud̶e saka nibad̶ai panuu kuitaad̶amera.

Colosenses 2:19

Ãchi Dachi Mechiu Cristo ome panuuwãe. Maamina ẽbẽrarã Cristod̶eeba ichid̶eeba ne joma uru panuu ichi ome ãbua biꞌia panad̶ai baita. Ichid̶eeba dachi waribadau Dachi Akõreba waribi b̶uu kĩra.

Colosenses 2:2

Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Tesalonicenses 2:13

Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

1 Tesalonicenses 3:12

Daiba kʉ̃ria panuu Dachi Mechiuba machi aid̶a b̶uai jomaurã ome biꞌia chiya kʉ̃ria panad̶amera daiba machi ãrea kʉ̃ria panuu kĩra.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Juan 4:16

Dachiba kuitaa panuu maud̶e ijãa panuu Dachi Akõreba dachi kʉ̃riakua b̶uu. Dachi Akõreba ne jomad̶e kʉ̃ria b̶uu. Biawãra kʉ̃ria uru b̶uu Dachi Akõre ome b̶uu maud̶e Dachi Akõre ichi ome b̶uu.