Efesios 3:9 - Emberá Chamí

⁹ Chi ne joma waud̶a Dachi Akõreba mʉ b̶usii jomaurãmaa kuitaabiamera saka wausii ichiba arab̶aed̶eed̶e waui kʉ̃risia b̶uad̶a. Mau waui kʉ̃risia b̶uad̶a naed̶e kuitaabiawẽa b̶uasii.

Efesios 3:9 Iomraidhean Croise

Mateo 10:27

Mʉʉba machimaa pãriud̶e jara b̶uu ʉ̃d̶aad̶e jarásturu. Mʉʉba machi kʉʉrʉmaa jarad̶a de ʉ̃rʉʉba jĩwa jarásturu.

Mateo 13:35

Dachi Akõre baita berreabariiba jarad̶a kĩra biawãra makasii: «Mʉʉba nebʉrʉʉruuba berreai. Dachi Akõreba nau drua waud̶ad̶ebena id̶iid̶aa kuitaabiwẽa b̶uad̶a, mʉʉba mau jarai».

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Juan 10:30

Mʉ, mʉ Chacha ome arab̶au nid̶au.

Juan 5:17

Maamina Jesusba ãchimaa jarasii: —Mʉ Chacha wabid̶a kʉrrjĩruwẽa ẽbẽrarã kariba b̶uu maud̶e mʉa bid̶a kʉrrjĩruwẽa kariba b̶uu.

Juan 5:19

Maabae Jesusba ãchimaa jarasii: «Mʉʉba biawãra jaraaruu: mʉ, Dachi Akõre Warrba ara mʉ du ab̶auba poyaa waubai. Maamina mʉʉba unu b̶uu mʉ Chachaba wau b̶uu. Joma mʉ Chachaba wau b̶uu mʉa bid̶a wau b̶uu.

Hechos 15:18

Dachi Mechiuba maka jara b̶uu. Ichiba nabẽraed̶eed̶ebena joma mau arakʉd̶e kuitaabia b̶uu”.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

1 Corintios 2:7

Daiba chi Dachi Akõre kʉ̃risia kuitaa naed̶e kuitaabiawẽa b̶uad̶a jaradea panuu. Nau iujãa waui naed̶e Dachi Akõreba mau kʉ̃risia kuitaad̶eeba ne waui b̶usii dachi ichi ome ãbua biꞌia nuread̶amera.

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

Efesios 3:2

Mʉʉmaarã machiba ãrea kuitaa panuu Dachi Akõreba ichi sõbiad̶eeba mʉ b̶usii machimaa jaradeamera.

Efesios 6:19

Maud̶e mʉ baita Dachi Akõremaa ʉtaa id̶i panásturu. Ichimaa ʉtaa id̶ísturu mʉʉmaa kuitaabimera saka Cristo ʉ̃rʉbena berreai b̶uu. Maka mʉʉba wapeawẽa ẽbẽrarãmaa kuitaabiai chi bed̶ea bia Cristo ʉ̃rʉbena, Dachi Akõreba naed̶e kuitaabiwẽa b̶uad̶a.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:26

Nabẽraed̶ebena ewarid̶e mau bed̶ea Dachi Akõreba kuitaabiawẽa b̶uasii, maamina id̶i mau bed̶ea ichi ẽbẽrarãmaa kuitaabiasii.

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

2 Tesalonicenses 2:13

Ãbarã, daiba ewaricha machi baita Dachi Akõremaa ichíturu kid̶ibai abadau. Dachi Mechiuba machi kʉ̃ria b̶uu. Ichiba arab̶aed̶eed̶e machi jʉrʉ adausii karibai baita. Machiba ichi bed̶ea biawãra ijãa panuud̶eeba maud̶e ichi Jauriba machi ichi baita biꞌia b̶ud̶ad̶eeba aid̶ai.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Apocalipsis 14:6

Mau maad̶akare mʉʉba ángel ab̶a bajãad̶e ũub̶ari nii unusii. Mauba chi bed̶ea bia uru b̶uasii chi nau iujãad̶ebena jomaurãmaa jarai baita: puurud̶ebenarãcha, druad̶ebenarãcha, ẽbẽrarã didiwaraacha maud̶e bed̶ea didiwaraacha. Mau bed̶ea ewaricha maka b̶uai.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.

Apocalipsis 4:11

Dachi Mechiu, Dachi Akõrebʉ, bichi biꞌia nii jomaurãba jarad̶amera bichi mipitaa nii, bichi wapead̶amera, maud̶e joma poyaabarii. Biꞌia b̶uu jomaurãba mau jarad̶ai, bichiba ne joma wausiid̶eeba. Biawãra bichiba kʉ̃riasiid̶eeba, ne joma wausii maud̶e joma bichid̶eeba nuree.