Efesios 3:16 - Emberá Chamí

¹⁶ Mʉʉba ʉtaa id̶i b̶uu ichi Jaurid̶eeba maud̶e ichiba ne bia ãrea uru b̶uud̶ebena ichi poyaabarii machimaa sõd̶e deamera. Maka machi chaarea nuread̶ai.

Efesios 3:16 Iomraidhean Croise

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Romanos 2:29

Maumaarã Dachi Akõremaarã, chi sõ jipa nii, mau biawãra judiobʉ. Chi Moisesba b̶ʉd̶ad̶e b̶u kub̶uu kĩra mukĩra chi kakua tõod̶a abarii biawãra judiowãema, maumaarã chi Dachi Akõre Jauriba maka sõd̶e jipa nibabibariibʉ. Ẽbẽrarãba chi sõ jipa nii ʉ̃rʉbena biꞌia jarad̶akamina Dachi Akõreba mau ʉ̃rʉbena biꞌia jarabarii.

Romanos 7:22

Biawãra mʉʉba sõd̶eeba Dachi Akõreba Moisesmaa b̶ʉbid̶a ãrea biꞌia unu b̶uu.

Romanos 9:23

Maka dauchia jãadua b̶uasii ichi biꞌia b̶uu mechiud̶ebena ichiba kĩra chuburia b̶uu ẽbẽrarãmaa kuitaabiai baita. Ãchi ichiba naed̶e jʉrʉ adausii ichi biꞌia b̶uud̶ebena uru panad̶amera.

1 Corintios 16:13

Kauwa panásturu. Jesucristod̶e ãrea ijãa panásturu. Ichid̶eeba perawẽa panásturu maud̶e chaarea panásturu.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

2 Corintios 4:16

Maud̶eeba daiba waa jaradead̶ai ida b̶ud̶ai kʉ̃risiad̶akau. Dai chi kakua ewaricha meserãaswãekãrimina Dachi Akõreba aid̶a b̶uu dai sõd̶e chaarea nuread̶amera.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Efesios 1:7

Ichi Warr oa chesiid̶eeba Dachi Akõreba dachi kachiruad̶ebena karibasii. Ichi mechiu sõbiad̶eeba dachiba kachirua wauped̶aad̶a joma perdonasii.

Efesios 2:7

Mau joma wausii kaad̶ebena ewarid̶e ichi ãrea sõbia nii unubii baita. Maud̶eeba dachi chi Jesucristo ome panuurã karibasii.

Efesios 3:15

Ichiba joma bajãad̶e nuree maud̶e nau iujãad̶e nuree wausii maud̶e ichid̶eeba nuree.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Efesios 6:10

Mau awara ãbarã, Dachi Mechiu ãrea poyaabarii b̶uud̶eeba chaarea nureásturu.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Filipenses 4:19

Biawãra joma machiba ne wãꞌãe panuu mʉ Bajãad̶ebena Akõreba ne bia uru b̶uud̶ebena Jesucristod̶eeba deai.

Colosenses 1:11

Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 2:2

Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Hebreos 11:34

Chi nuree Dachi Akõred̶e ijãa panasiid̶eeba tʉbʉ aokoba baad̶aabasii. Chi nuree espadaba bead̶ai bad̶ad̶ebena jĩichoa wãurisid̶au. Chi nuree kakua meserãaswãe nuread̶a meserãa adausid̶au maud̶e chaarea paneesid̶au chĩod̶ai baita. Maud̶eeba chi kĩramaabadaurã jĩichoabiasid̶au.

1 Pedro 3:4

Maumaarã machi kĩrawãrea sõd̶éburu b̶uai b̶uu; sõbia b̶uud̶eeba maud̶e jirukaraayuwãe b̶uud̶eeba b̶uai b̶uu. Mau kĩrawãrea wãꞌãekau maud̶e Dachi Akõreba biꞌia unu b̶uu.