Efesios 3:12 - Emberá Chamí

¹² Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

Efesios 3:12 Iomraidhean Croise

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

2 Corintios 3:4

Dachi Akõre daad̶e daiba Cristod̶eeba mau biawãra kuitaa panuu.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Hebreos 10:35

Maud̶eeba machiba Dachi Akõred̶e ijãa panuu ida b̶urã́sturu. Ijãa panuubʉrã, Dachi Akõreba bajãad̶e ne bia mechiu deai.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

1 Juan 3:21

Ãbarã, dachi nebʉraswãe panuu a kʉ̃risia panuubʉrã, wapeawẽa Dachi Akõremaa poyaa ʉtaa id̶id̶ai.