Efesios 3:1 - Emberá Chamí

¹ Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Efesios 3:1 Iomraidhean Croise

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

Hechos 23:18

Ara makʉd̶e chi kũudrãa kokoroarã mechiumaa adoeped̶a jarasii: —Pablo, chi jʉ̃a b̶uuba mʉ iuped̶a jarasii nau kũudrãa bichimaa adoemera. Ichiba bichimaa ne kaebea jara kʉ̃ria b̶uu.

Hechos 26:29

Pabloba jarasii: —Mʉʉba Dachi Akõremaa ʉtaa id̶i b̶uu kãꞌãabariwãed̶e maebʉrã ewari ãread̶e bichi maud̶e joma chi mʉ bed̶ea ũri panuu, mʉ kĩra panad̶amera, maamina nau kaenawãe.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

2 Corintios 1:6

Maamina dai maka ãrea biꞌiwãe panuu machi sõ kĩrajʉʉbia panad̶amera maud̶e kachiruad̶ebena wãd̶amera. Dachi Akõreba dai sõ kĩrajʉʉbiaruud̶e machi sid̶a daid̶eeba kĩrajʉʉbadau. Maka machi dai kĩra ãrea biꞌiwãe paneeduud̶e poyaa dauchia jãaduad̶ai.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

Gálatas 5:11

Ãbarã, mukĩra chi kakua tõod̶ai panuu mʉʉba wabid̶a jaradea b̶uad̶a basirã, chi maka jaradea nureerãba mʉ kachirua waud̶ai baita wãraad̶aabai basii. Mʉʉba maka jaradea b̶uad̶a basirã ãchiba Jesús cruzd̶e biud̶a ʉ̃rʉbena kachirua kʉ̃risiad̶aabai basii.

Gálatas 5:2

Mʉ Pablobʉ. ¡Ũrísturu! Mʉʉba nau machimaa jaraaruu: machi mukĩra chi kakua tõod̶ai panuu a kʉ̃risia panuubʉrã, Cristoba machi baita waud̶aba karibaabai.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Efesios 3:11

Maka wausii ichiba nabẽraed̶e Dachi Mechiu Jesucristod̶eeba waui kʉ̃risia b̶uasiid̶eeba.

Efesios 3:13

Maud̶eeba mʉʉba machimaa naka chi chuburia id̶iiruu: mʉ machi kakua nama naka biꞌiwãe b̶umina ãrea jirukaraarã́sturu. Maka ãrea biꞌiwãe b̶uu machi Dachi Akõre ome biꞌia nuread̶amera.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 6:20

Cristoba mʉ bʉisii mau bed̶ea jaradeamera. Jaradea b̶uu kakua mʉ jʉ̃a uru panuu. Dachi Akõremaa ʉtaa id̶ísturu mʉʉba mau bed̶ea bia ʉ̃rʉbena wapeawẽa berreai baita mʉʉba maka waui b̶uud̶eeba.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

Colosenses 4:18

Mʉ Pablobʉ. Ara mʉ juaba b̶ʉʉruu mʉʉba jarabʉiruu machi biꞌia duanad̶ai. Mʉ jʉ̃a uru panuud̶eeba Dachi Akõremaa ʉtaa id̶i panásturu. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uayu.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

2 Timoteo 1:16

Maamina mʉʉba kʉ̃ria b̶uu Dachi Mechiuba ãba Onesíforo ded̶ebenarã kĩra chuburia b̶uamera. Ichiba mʉ b̶es ãrea aid̶asii. Mʉ kaenaba jʉ̃ b̶umina mau kĩrakayaabasii.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

Filemón 1:1

Mʉ Pablobʉ. Jesucristo kakua jʉ̃a b̶uu. Dachi ãba Timoteo nama b̶uu. Ãba Filemón, daiba bichi kʉ̃ria panuu. Bichiba dai kĩra Dachi Akõre traju wau b̶uud̶eeba mʉʉba nau karta bichi baita b̶ʉʉruu.

Filemón 1:23

Ãba Epafras Jesucristo kakua mʉ ome jʉ̃a uru panuu. Mauba jarabʉi b̶uu bichi biꞌia b̶uai.

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.