Efesios 2:7 - Emberá Chamí

⁷ Mau joma wausii kaad̶ebena ewarid̶e ichi ãrea sõbia nii unubii baita. Maud̶eeba dachi chi Jesucristo ome panuurã karibasii.

Efesios 2:7 Iomraidhean Croise

Romanos 2:4

Bichiba ida b̶u b̶uu Dachi Akõre dachi ome ãrea sõbia b̶uu, joma dauchia jãadua b̶uu maud̶e kachirua waud̶a isa kastikakau. ¿Bichiba adua b̶uka Dachi Akõre bichi ome sõbia b̶uabariid̶eeba maud̶e chi ichiba kʉ̃ria b̶uud̶eeba bichi kachirua waubarii ida b̶ubarii ichimaa neemera?

Efesios 1:7

Ichi Warr oa chesiid̶eeba Dachi Akõreba dachi kachiruad̶ebena karibasii. Ichi mechiu sõbiad̶eeba dachiba kachirua wauped̶aad̶a joma perdonasii.

Efesios 2:4

Maamina Dachi Akõreba ãrea kĩra chuburiabarii. Ichiba dachi ãrea kʉ̃ria b̶uud̶eeba

Efesios 3:21

Ãbarã, Jesucristo baara panuud̶eeba ¡ewaricha Dachi Akõremaa biꞌia berread̶ai panuu! Biꞌia b̶uu maka b̶uai.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

2 Tesalonicenses 1:12

Makarã machid̶eeba jomaurãba Dachi Mechiu Jesucristo ʉ̃rʉbena biꞌia jarad̶ai maud̶e ichid̶eeba machi ʉ̃rʉbena biꞌia jarad̶ai, Dachi Akõreba maud̶e Dachi Mechiu Jesucristoba ãchi sõbiad̶eeba aid̶a panuud̶eeba.

Tito 3:4

Maamina Dachi Akõre chi Karibabariiba ichi biꞌia nii maud̶e ichiba dachi kʉ̃ria b̶uu jomaurãmaa kuitaabiasii.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.