Efesios 2:5 - Emberá Chamí

⁵ kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

Efesios 2:5 Iomraidhean Croise

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Juan 6:63

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Hechos 15:11

¡Makawãema! Dachiba ijãa panuu Dachi Mechiu Jesusba ichi sõbiad̶eeba dachi maud̶e ãchi karibai.

Romanos 16:20

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Romanos 3:24

Maamina Dachi Akõreba ichi sõbiad̶eeba ẽbẽra ab̶a chi ichid̶irã jipa nuree baara duanubarii, ne kaebea bari dearuu kĩra. Maka unubarii Jesucristoba kachiruad̶ebena karibasiid̶eeba.

Romanos 4:16

Dachi Akõreba deai jarad̶a dachiba adaud̶ai ichid̶e ijãa panuud̶eeba. Dachi Akõreba ichi sõbiad̶eeba mau bari dea b̶uu. Maud̶eeba joma Abraham ẽbẽrarã, chi Moisesba b̶ʉd̶ad̶eeba panuurãba mau biawãra adaud̶ai. Maamina ãchiaburu adaud̶aabai, maumaarã judiowãerã bid̶a Abraham kĩra Dachi Akõred̶e ijãaduubʉrã adaud̶ai. Maka Abraham joma dachi, chi Dachi Akõred̶e ijãabadaurã akõrebʉ.

Romanos 5:10

Dachi wabid̶a Dachi Akõre ome chi kĩramaa nureasiid̶e ichi Warr biusiid̶eeba dachi ichi ome biꞌia b̶usii. Cristo chokae b̶uud̶eeba, maka dachi biawãra karibai.

Romanos 5:6

Dachiba ara dachi kachiruad̶ebena poyaa karibad̶awẽa panasid̶aud̶e ewari araa baaruud̶e Cristo dachi chi kachiruarã kakua biusii.

Romanos 5:8

Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

2 Corintios 13:14

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai, Dachi Akõreba ãrea kʉ̃ria b̶uai maud̶e ewaricha Dachi Akõre Jauriba ãbua biꞌia uru b̶uai.

Efesios 2:1

Naed̶e machi biu panasid̶au, ijãad̶awẽa panasid̶aud̶eeba, kachirua waubachid̶aud̶eeba.

Efesios 2:8

Jesusd̶e ijãasid̶aud̶eeba Dachi Akõreba ichi sõbiad̶eeba machi karibasii. Ara machi du ab̶a karibad̶aabasii, maumaarã Dachi Akõréburu bari karibasii.

Efesios 5:14

ʉ̃d̶aad̶e ne joma unubadaud̶eeba. Mau baita naka jarabadau: «Ʉ̃rʉmase bichi kãi b̶uu. Kachiruad̶e biu b̶uad̶a jiraduse. Maabae Cristoba bichi ʉ̃d̶aad̶e b̶ui».

Colosenses 2:13

Cristod̶e ijãad̶ai naed̶e machi biu panasid̶au kachirua wau waubachid̶aud̶eeba. Maud̶e dachi kakuaba kachirua wau kʉ̃ria b̶uu waubachid̶au. Maamina Dachi Akõreba machi Cristo baara chokae duanubiasii. Joma dachiba kachirua wauped̶aad̶a ichiba perdonasii.

Tito 2:11

Dachi Akõreba jomaurãmaa unubiasii ichi sõbiad̶eeba ẽbẽrarã karibabarii.

Tito 3:5

Mauba dachi karibasii. Dachiba biꞌia wauped̶aad̶a kakua karibaabasii, maumaarã ichi kĩra chuburiasiid̶eeba karibasii. Dachi kachirua jeraasii paru ea jeraad̶a kĩra nuread̶amera maud̶e Dachi Akõre Jauriba dachimaa chokae b̶uai chiwid̶i deasii.

Apocalipsis 22:21

Mʉʉba kʉ̃ria b̶uu Dachi Mechiu Jesusba ichi sõbiad̶eeba machi joma aid̶a b̶uai. Biꞌia b̶uu maka b̶uai.