Efesios 2:3 - Emberá Chamí

³ Naed̶e joma dachi ãchi kĩra nibasid̶au nau kakuaba kachirua waubi b̶uu wau panasid̶aud̶eeba. Nau kakuaba kachirua waui kʉ̃ria b̶uu maud̶e dachiba kachirua waui kʉ̃risia b̶uu wau panasid̶au. Dachi kachiruad̶eeba Dachi Akõreba ichi kĩrubid̶eeba dachi kastikai b̶uasii joma kachirua waubadaurã kastikabarii kĩra.

Efesios 2:3 Iomraidhean Croise

Marcos 4:19

Maamina nau saka biꞌia panad̶ai baita ãrea kʉ̃risia panabadau, ne joma uru panabadau maud̶e ne kaebea maucha ãrea kʉ̃riabadau. Joma mauba Dachi Akõre bed̶ea waa ũribiad̶akau maud̶e ne bia waubiad̶akau.

Juan 1:13

Ãchi Dachi Akõre warrarã bad̶aabasii ãchi naweba adaud̶ad̶eeba maebʉrã ẽbẽrarãba kʉ̃ria panad̶ad̶eeba. Maumaarã Dachi Akõréburu ichi warrarã babiasii.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Hechos 14:16

Naed̶e Dachi Akõreba ichi adua nuree puurumaa ara ãchiba wau kʉ̃ria panuu ida waubiabachii.

Romanos 1:24

Maud̶eeba Dachi Akõreba ida b̶usii ãchi sõd̶e kachirua wau kʉ̃ria b̶uu waud̶amera. Maud̶eeba maarãba mia pera wau paneesid̶au.

Romanos 11:30

Machi judiowãerãba naed̶e Dachi Akõred̶e ijãad̶akau basii. Maamina judiorãba ijãad̶awẽa panuud̶eeba jãabae Dachi Akõreba machi kĩra chuburia b̶uu.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 2:14

Judiowãerãba mau Moisesba b̶ʉd̶a adua panumina ãchi kʉ̃risiad̶eeba mau Moisesba b̶ʉd̶ad̶e jara b̶uu kĩra b̶esed̶e waubadau. Maka wauduud̶e, unubiabadau ãchiba kuitaa panuu kãare biꞌia b̶uu maud̶e kãare kachirua b̶uu.

Romanos 5:10

Dachi wabid̶a Dachi Akõre ome chi kĩramaa nureasiid̶e ichi Warr biusiid̶eeba dachi ichi ome biꞌia b̶usii. Cristo chokae b̶uud̶eeba, maka dachi biawãra karibai.

Romanos 5:9

Cristo oa chesiid̶eeba Dachi Akõreba dachi chi ichid̶irã jipa nuree baara duanusii. Maud̶eeba Cristod̶eeba Dachi Akõreba dachi kastikai bad̶a biawãra karibai.

Romanos 6:12

Maud̶eeba chi kachiruamaa ida machi chibari babirã́sturu. Maka machi chi kakua biui b̶uuba kachirua wau kʉ̃ria b̶uu waud̶aabai.

Romanos 7:18

Mʉʉba kuitaa b̶uu mʉ sõd̶e ne bia wãꞌãema. Biꞌia jaraaruubʉrã, mʉ nau kakuad̶e b̶uud̶eeba ara mʉʉba kʉ̃ria b̶uud̶eeba biꞌia poyaa waukau. Mʉʉba biꞌia wau kʉ̃ria b̶umina poyaa waukau.

Romanos 9:22

Ara mau kĩra Dachi Akõreba wau kʉ̃riad̶a naka wausii. Ẽbẽrarãba kachirua wau panuu baita Dachi Akõreba ichi kĩrubarii unubia b̶uud̶eeba maud̶e ichi poyaad̶eeba kastikaped̶a tʉbʉ aokod̶e jiratai basii. Maamina chi ãchiba kachirua wau panuu joma dauchia jãadua b̶uasii.

1 Corintios 4:7

¿Kaiba machi waabenarã audeara biꞌia b̶usma? Dachi Akõreba dead̶a awara ¿machiba kãare uru panuma? Machiba Dachi Akõred̶ebena ne joma adauped̶aad̶ad̶eeba ¿sakãe ara machi du ab̶a adauped̶aad̶a kĩra berrea panuma?

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Efesios 2:2

Maka nibasid̶au nau iujãad̶ebena kʉ̃risia ijãa panasiid̶eeba maud̶e jai kachiruarã chi aude mechiu nii ijãa panasiid̶eeba. Id̶ibae ichiba chi Dachi Akõre bed̶ea ijãad̶akaurã ichi juad̶e ua b̶uu.

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Colosenses 1:21

Kachirua wau panuud̶eeba machi mau naed̶e Dachi Akõred̶ebena awara nureasii maud̶e machiba kachirua kʉ̃risia panuud̶eeba Dachi Akõre kĩramaa panasid̶au.

1 Tesalonicenses 4:13

Ãbarã, daiba kʉ̃ria panuu machiba Jesusd̶e ijãabadaurã biuped̶aad̶a ʉ̃rʉbena kuitaad̶amera. Maka machi kĩra nomaad̶aabai Dachi Akõred̶e ijãad̶akaurã kĩra nomaabadau kĩra. Ãchi kĩra nomaabadau chi biuped̶aad̶a saka duanad̶ai kuitaad̶awẽed̶eeba.

1 Tesalonicenses 5:6

Maud̶eeba dachi kãi duanuuwãema waabenarã kãi duanuu kĩra, maumaarã dau ʉb̶ʉa panad̶ai panuu maud̶e kĩrabia panad̶ai panuu.

1 Timoteo 6:9

Maamina barau nuread̶ai kʉ̃ria panuuba ne joma kʉ̃ria panuud̶eeba kachiruad̶e b̶aebadau. Chi dachi aid̶akau maud̶e dachi kachirua wau b̶uu kʉ̃ria panuud̶eeba kachiruad̶e paneebadau ãnimara enabed̶e b̶aed̶a kĩra. Mau ãrea miichuburi paneebadau, doed̶a taawãaruu kĩra.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

1 Pedro 1:14

Warr ũribaba nii kĩra panásturu. Nau kakuaba kachirua wau kʉ̃ria b̶uu waa waurã́sturu Dachi Akõred̶e ijãad̶awẽa panasiid̶e waubachid̶au kĩra.

2 Pedro 2:14

Ãibena wẽra ome kãi paneebadau. Ne joma kachirua wau b̶uuba kĩrased̶akau. Chi ãrea ijãawẽa nuree setaa kũruabadau. Ne joma kʉ̃riabadau. Mau kakua Dachi Akõreba ãchi nebʉra ichiai.

2 Pedro 2:18

Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.

1 Juan 2:16

Nau iujãad̶ebena kachirua naubʉ: dachi kakuaba kachirua wau kʉ̃ria b̶uabarii, dachi dauba unu panuu kʉ̃ria panabadau, maud̶e dachiba uru panuu kakua maebʉrã wau panuu kakua ara dachi waabenarã audeara aude nuree kʉ̃risia panad̶ai. Joma mau Dachi Bajãad̶ebena Akõred̶ebenawãe, maumaarã nau iujãad̶ebenabʉ.

1 Juan 2:8

Maamina chi mʉʉba b̶ʉmaa b̶uu chiwid̶i kĩra b̶uu Cristoba wausiid̶eeba maud̶e machia bid̶a biawãra wau panuud̶eeba. Chi nau wid̶i pãriu wãꞌãe kãrii kĩra b̶uu, maud̶e chi biawãra bed̶ea ʉ̃d̶aa kãrii kĩra b̶uu.