Efesios 2:17 - Emberá Chamí

¹⁷ Cristo neesii, chi bed̶ea bia Dachi Akõre ome jirukaraayuwãe b̶uai ʉ̃rʉbena machimaa jarai baita, chi Dachi Akõred̶ebena kaitawẽ panad̶amaa maud̶e chi Dachi Akõre kaita panad̶amaa.

Efesios 2:17 Iomraidhean Croise

Mateo 10:13

Mau ded̶e panabadaurãba machi biꞌia irsibiiduubʉrã, mau berrea bia jaraped̶aad̶a kĩra ãchimaa ara mau kĩra wãd̶ai. Maamina biꞌia irsibid̶aabʉrã, mau berrea bia jaraped̶aad̶a kĩra maka wãd̶aabai.

Lucas 15:8

»Wẽraba sẽetao 10 uru b̶uud̶ebena ab̶a ãi b̶aeruubʉrã, ¿ʉ̃d̶aa koabarii koaped̶a ichi de biꞌia jareeped̶a kauwa jʉrʉʉbaika chi sẽetao unuuruud̶aa?

Lucas 2:14

«¡Dachi Akõre ʉtʉ bajãad̶e b̶uu ãrea biꞌia nii! ¡Dachi Akõreba biꞌia unu b̶uu ẽbẽrarã nau druad̶e jirukaraayuwãe panad̶ai!»

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Hechos 2:39

Dachi Akõre chi Mechiuba ichi Jauri deai jarad̶a machi baita b̶uu, machi warrarã baita b̶uu maud̶e ẽbẽrarã kaitawẽ nureerã baita b̶uu. Joma chi Dachi Akõre Mechiuba iukua b̶uu ẽbẽrarã baita b̶uu.

Romanos 10:14

Maamina ẽbẽrarãba wabid̶a Dachi Mechiu Jesucristod̶e ijãad̶awẽa panuud̶e ¿saka ichimaa chi chuburia ʉtaa id̶id̶aima? Ichi ʉ̃rʉbena wabid̶a ũrid̶awẽa panuud̶e ¿saka ijãad̶aima? Maud̶e ab̶au bid̶a ãchimaa jaradead̶e wãwẽebʉrã ¿saka ichi ʉ̃rʉbena ũrid̶aima?

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

Efesios 4:21

Ãbarãba chi biawãra bed̶ea Cristo ʉ̃rʉbena biꞌia jaradeasid̶au maud̶e biawãra machiba ichi ʉ̃rʉbena ũrid̶aped̶a ijãasid̶au.