Efesios 2:16 - Emberá Chamí

¹⁶ Ichi cruzd̶e biud̶ad̶eeba puuru ome b̶uad̶a puuru ab̶a wauped̶a omea Dachi Akõre ome biꞌia b̶usii. Maka dachi awara panad̶a ichiba ãbua biꞌia b̶usii.

Efesios 2:16 Iomraidhean Croise

Romanos 5:10

Dachi wabid̶a Dachi Akõre ome chi kĩramaa nureasiid̶e ichi Warr biusiid̶eeba dachi ichi ome biꞌia b̶usii. Cristo chokae b̶uud̶eeba, maka dachi biawãra karibai.

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Romanos 8:7

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã, Dachi Akõre kĩramaabʉ. Moisesba b̶ʉd̶a wau kʉ̃riakau; ne ab̶a bid̶a poyaa waukau.

1 Corintios 10:17

Dachiba pan ab̶a b̶uu ãrea b̶ʉakuaped̶a kobadau. Ara mau kĩra dachi ãrea panumina kakua ab̶a b̶uu kĩra nuree.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Efesios 2:15

Moisesba b̶ʉd̶aba ne ãrea waubiabachii judiorã, judiowãerã awara b̶ui baita. Maamina Cristo biud̶ad̶eeba Moisesba b̶ʉd̶a awara b̶usii puuru wid̶i ab̶ad̶e duanad̶amera maud̶e ãbua jirukaraayuwãe duanad̶amera.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Efesios 4:4

Dachi kakua ara ab̶aburu b̶uu. Dachi Akõre Jauri ara ab̶aburu inid̶au. Dachi Akõreba machi iusii ara mau esed̶au panad̶amera.

Colosenses 2:14

Biawãra kachirua wau panuud̶eeba dachi Dachi Akõremaa deai b̶uu dead̶ai panasid̶au. Maud̶eeba Moisesba b̶ʉd̶ad̶e b̶ʉ kub̶uu dachi biud̶ai panuu. Maamina Cristo cruzd̶e biusiid̶e Dachi Akõreba mau dead̶ai panad̶a joma ida b̶usii.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.