Efesios 1:23 - Emberá Chamí

²³ Ẽbẽrarã Cristod̶erã ichi kakuabʉ. Ãchi ne jomad̶e ichid̶eeba panuu maud̶e ne joma ichid̶eeba b̶uu.

Efesios 1:23 Iomraidhean Croise

Juan 1:16

Ichi mechiu niid̶eeba, sõbiad̶eeba dachi aid̶a b̶uabachii maud̶e sõbiad̶eeba aid̶abarii.

Romanos 13:5

Maud̶eeba machi nau iujãad̶ebena jaradea ua b̶uabadaurã juad̶e nuread̶ai panuu kastikabiarãad̶amera. Mau awara ãchi juad̶e nuread̶ai panuu, kuitaa panuud̶eeba maka waud̶ai jipa b̶uu.

1 Corintios 12:6

Dachi Akõre ab̶a niiba dachimaa ne diwaraa waubi b̶uu. Ichiaburu dachid̶eeba mau joma waubarii.

1 Corintios 15:28

Dachi Akõre Warr Cristoba joma poyaasiid̶e ichi Dachi Akõre juad̶e b̶eei Dachi Akõreba joma ichi juad̶e b̶ud̶a kĩra. Maka Dachi Akõreba joma ichi juad̶e uru b̶uai.

Efesios 2:16

Ichi cruzd̶e biud̶ad̶eeba puuru ome b̶uad̶a puuru ab̶a wauped̶a omea Dachi Akõre ome biꞌia b̶usii. Maka dachi awara panad̶a ichiba ãbua biꞌia b̶usii.

Efesios 3:10

Jãabae ẽbẽrarã, Dachi Akõred̶eeba Ichiba ichi ne jomad̶e ãrea kuitaa b̶uu kuitaabiasii chi meserãa nureerãmaa maud̶e bajãad̶ebena chi mechiu nureerãmaa.

Efesios 3:19

Ara dachi kʉ̃risiad̶eeba poyaa kuitaad̶akamina mʉʉba ʉtaa id̶i b̶uu machiba mau kuitaad̶amera. Kuitaaduubʉrã ne jomad̶e Dachi Akõre kĩra nuread̶ai.

Efesios 4:10

Chi ʉtʉʉba ed̶aa need̶a waya bajãa chi aude ʉtʉ b̶uumaa wãsii ne joma ichi juad̶e ua b̶uamera.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Efesios 4:13

ab̶a jomaurã Dachi Akõre Warrd̶e ijãa panuud̶eeba maud̶e kuitaa panuud̶eeba ãbua biꞌia paneeduud̶aa. Maud̶e dachi ne jomad̶e Cristo kĩra nuread̶ai.

Efesios 4:4

Dachi kakua ara ab̶aburu b̶uu. Dachi Akõre Jauri ara ab̶aburu inid̶au. Dachi Akõreba machi iusii ara mau esed̶au panad̶amera.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

Colosenses 2:19

Ãchi Dachi Mechiu Cristo ome panuuwãe. Maamina ẽbẽrarã Cristod̶eeba ichid̶eeba ne joma uru panuu ichi ome ãbua biꞌia panad̶ai baita. Ichid̶eeba dachi waribadau Dachi Akõreba waribi b̶uu kĩra.

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.