Efesios 1:17 - Emberá Chamí

¹⁷ Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Efesios 1:17 Iomraidhean Croise

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 16:17

Jesusba jarasii: —Bichi ãrea biꞌia b̶uu, Simón, Jonás warr. Ab̶au ẽbẽra bid̶a bichimaa mau kuitaabiibasii, maumaarã mʉ Chacha bajãad̶e b̶uuba kuitaabisii.

Mateo 20:33

Maarãba jarasid̶au: —Mʉ Mechiu, mʉʉba unui kʉ̃ria b̶uu.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Lucas 12:12

Jideaduud̶e Dachi Akõre Jauríburu machimaa kuitaabiai kãare jarad̶ai panuu».

Lucas 2:14

«¡Dachi Akõre ʉtʉ bajãad̶e b̶uu ãrea biꞌia nii! ¡Dachi Akõreba biꞌia unu b̶uu ẽbẽrarã nau druad̶e jirukaraayuwãe panad̶ai!»

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Juan 14:17

Ichi Dachi Akõre Jauribʉ. Ichiba Dachi Akõre biawãra kuitaabiabarii. Nau iujãad̶ebenarãba ichi poyaa adaud̶aabai, unud̶akaud̶eeba maud̶e adua panuud̶eeba. Maud̶e machiaburu ichi kuitaa panuu, machi baara b̶uud̶eeba maud̶e machi sõd̶e b̶uud̶eeba.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Hechos 7:2

Estebanba naka panausii: —Mʉ ãbarã judiorã, mʉ jaradea ua b̶uabadaurã, michuburia mʉ bed̶ea ũrísturu. Dachi nabẽraed̶ebena Abraham wabid̶a Mesopotamia druad̶e b̶uasiid̶e Harán puurud̶e b̶uad̶e wãi naed̶e Dachi Akõre chi Biꞌia nii ichimaa neesii.

Romanos 1:28

Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

Romanos 15:6

Maka machiba Dachi Bajãad̶ebena Mechiu Jesucristo Akõremaa ãbua biꞌia berrea panad̶ai.

1 Corintios 12:8

Dachi Akõre Jauriba waabenarã chi nureerãmaa dea b̶uu ichi kʉ̃risia kuitaad̶eeba poyaa berread̶amera. Dachi Akõre Jauri ara ab̶a niiba chi nureemaa dea b̶uu ichid̶eeba kuitaaped̶aad̶a poyaa jaradead̶amera.

1 Corintios 14:6

Maud̶eeba ãbarã, mʉ machimaa wãped̶a dachiba ũrid̶akau bed̶ead̶e berrearuubʉrã, ¿machi saka aid̶aima? Aid̶aabai. Maamina dachiba ũribadau bed̶ead̶e Dachi Akõreba mʉʉmaa unubid̶a jaraaruubʉrã, maebʉrã Dachi Akõre kʉ̃risia kuitaad̶eeba berrearuubʉrã, maebʉrã Dachi Akõre baita berrearuubʉrã, maebʉrã Dachi Akõre bed̶ea jaradeaibʉrã mauba joma poyaa aid̶ai.

1 Corintios 2:10

Joma mau Dachi Akõreba ichi Jaurid̶eeba dachimaa kuitaabiasii. Ichi Jauriba ne joma kuitaa b̶uu. Chi Dachi Akõre kʉ̃risia sid̶a ne joma kuitaa b̶uu.

1 Corintios 2:8

Chi nau iujãad̶ebena karrarã ab̶au bid̶a mau kʉ̃risia kuitaa kuitaad̶aabasii. Kuitaa panad̶a basirã, Dachi Mechiu biꞌia nii cruzd̶e bead̶aabai basii.

2 Corintios 12:1

Waya ara mʉ ʉ̃rʉbena biꞌia berreai, mauba waabenarã aid̶akamina. Dachi Mechiuba mʉ daumaa unubid̶a maud̶e kuitaabid̶a mʉʉba jaraaruu.

Efesios 1:3

Dachi Mechiu Jesucristo Akõremaa biꞌia berread̶ai panuu. Cristo ome panuud̶eeba ichi Jaurid̶eeba chi bia joma dachimaa bajãad̶ebena dea b̶uu.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

Efesios 4:13

ab̶a jomaurã Dachi Akõre Warrd̶e ijãa panuud̶eeba maud̶e kuitaa panuud̶eeba ãbua biꞌia paneeduud̶aa. Maud̶e dachi ne jomad̶e Cristo kĩra nuread̶ai.

Filipenses 3:15

Joma dachi Cristo ãrea kuitaa nureerãba ara mau kĩra kʉ̃risiad̶ai panuu. Machiba ãyaa kʉ̃risia panuubʉrã, Dachi Akõreba saka kʉ̃risiad̶ai panuu arakʉd̶e kuitaabiai.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Santiago 2:1

Ãbarã, machiba dachi bia nii Mechiu Jesucristod̶e ijãa panuud̶eeba ab̶a chi waabenarã audeara biꞌia waurã́sturu.

2 Pedro 1:3

Dachi Akõre kuitaa panuud̶eeba, ichi poyaabariid̶eeba dachimaa ne joma deasii ichiba kʉ̃ria b̶uu kĩra nibad̶amera maud̶e ewaricha ichi ome chokae nuread̶amera. Ichi chi mechiud̶eeba maud̶e jipa niid̶eeba dachi iuped̶a ne mechiu maud̶e ne bia dachi baita waui asii. Maka wau b̶uud̶eeba nau iujãad̶ebenarãba kachirua wau kʉ̃ria panuu machiba ida b̶ud̶aped̶a poyaa ichi kĩra jipa nuread̶ai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

Apocalipsis 7:12

Naka jarasid̶au: «¡Machiba jara panuu biawãrabʉ! Ewaricha jomaurãba Dachi Akõremaa biꞌia berread̶ai panuu, ichi chi aude mechiu niid̶eeba, chi aude kuitaa niid̶eeba, ne jomad̶e poyaabariid̶eeba maud̶e meserãa ãrea niid̶eeba. Ichimaa ichíturu kid̶ibai ad̶ai panuu maud̶e chi biawãra b̶uu ad̶ai panuu. ¡Biawãra biꞌia b̶uu maka b̶uai!»