Efesios 1:11 - Emberá Chamí

¹¹ Dachi Akõreba ne joma ichiba wau kʉ̃ria b̶uu waubarii kĩra Cristod̶eeba dachi jʉrʉ adausii, nabẽraed̶eed̶e kʉ̃risia b̶uad̶a kĩra.

Efesios 1:11 Iomraidhean Croise

Hechos 13:48

Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 20:32

»Jãabae ãbarã, mʉʉba machi Dachi Akõre juad̶e b̶uuruu. Ichi sõbiad̶eeba dachi kariba b̶uu ʉ̃rʉbena bed̶ea kĩrabásturu. Mau bed̶ead̶eeba machi poyaa aude biꞌia ijãad̶ai. Ichiba deai jarad̶a ichi sõbiad̶eeba machiba adaud̶ai maud̶e joma chi ichi baita biꞌia b̶ud̶arãba mau adaud̶ai.

Hechos 4:28

ãchiba maka wausid̶au bichiba naed̶e kʉ̃risia b̶uad̶a kĩra. Bichi ãrea poyaad̶eeba naed̶e maka b̶usii ãchiba maka waud̶amera.

Romanos 11:34

«¿Kaiba Dachi Mechiu kʉ̃risia kuitaa b̶uma? ¿Kaiba ichimaa kʉ̃risia jaradeaima?

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

Romanos 8:30

Dachi Akõreba chi ichiba naed̶e duanud̶arã iukuasii, ichi Warr Jesús kĩra nuread̶amera. Chi ichiba iukuad̶a chi ichid̶irã jipa nuree baara b̶usii. Chi ichiba chi ichid̶irã jipa nuree baara duanud̶arãmaa ichi biꞌia niid̶ebena deai.

Gálatas 3:18

Moisesba b̶ʉd̶a wau panuu baita ichiba dachi karibaaruubʉrã, ichiba karibai ad̶a kĩra karibawẽe. Maamina Dachi Akõreba Abraham karibai asiid̶eeba ichi sõbiad̶eeba karibasii.

Efesios 1:14

Dachi Akõre Jauri adauped̶aad̶ad̶eeba dachiba kuitaa panuu joma Dachi Akõreba deai jarad̶a biawãra adaud̶ai ichid̶irã joma biꞌia b̶ui ewarid̶e. Maud̶eeba ichi biꞌia nii ʉ̃rʉbena biꞌia berread̶ai panuu.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Efesios 1:8

Ichi sõbiad̶eeba dachi ãrea aid̶aped̶a joma kʉ̃risia kuitaa maud̶e kʉ̃risia kauwa dachimaa deasii.

Efesios 1:9

Ichiba wau kʉ̃ria b̶uu naed̶e kuitaabiawẽa b̶uasii. Maamina dachimaa kuitaabiasii ichi sõbiad̶eeba maka kʉ̃ria b̶uasiid̶eeba. Ichiba Cristod̶eeba nabẽraed̶eed̶e waui kʉ̃risia b̶uad̶a

Efesios 3:11

Maka wausii ichiba nabẽraed̶e Dachi Mechiu Jesucristod̶eeba waui kʉ̃risia b̶uasiid̶eeba.

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

Colosenses 3:24

Machi Dachi Mechiu Cristo baita bari trajabadaurãbʉ. Machiba kuitaa panuu ichi baita biꞌia wau panuud̶eeba, ichiba machimaa chi adaud̶ai panuu deai.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Tito 3:7

Maka Dachi Akõreba ichi sõbiad̶eeba dachi jipa unu b̶uud̶eeba ewaricha ichi ome chokae panad̶ai. Mau esed̶au panuu.

Hebreos 6:17

Ara mau kĩra Dachi Akõreba arakʉd̶e kuitaabiai kʉ̃riasii chi ichiba deai jarad̶a ẽbẽrarãba mau biawãra adaud̶ai maud̶e ichiba kʉ̃risia b̶uu kĩra biawãra waubarii. Maud̶eeba ara ichi trʉ̃d̶eeba deai asii.

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

1 Pedro 1:4

ichiba dachi baita bajãad̶e nu uru b̶uu joma adaud̶amera. Mau ãrikau, wãꞌãekau maud̶e kachiruaswãe b̶uu.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.