Apocalipsis 9:21 - Emberá Chamí

²¹ Maud̶e mia beabadau, waabenarã ẽpermabadau, dachi kakuaba barikiu kachirua waubadau maud̶e chiruabadau ida b̶ud̶aabasii.

Apocalipsis 9:21 Iomraidhean Croise

Mateo 15:19

Ẽbẽra sõd̶ebena nakʉ kʉ̃risia kachirua awara wãbarii: mia beayu; ab̶a miakãid̶a junebena ome kãi nub̶eeyu; waabenarã ome ne kachirua wauyu; chiruayu; setaa jarayu; ab̶au ʉ̃rʉbena miadaa berreayu; makʉ kʉ̃risia.

2 Corintios 12:21

Mʉʉba wapea b̶uu machimaa waya neeruud̶e Dachi Akõreba mʉ kaebeu kĩra b̶ui, machi kakua. Maud̶e ãrea machiba naed̶e kachirua wau panad̶a wabid̶a wau panuud̶eeba mʉ jẽai. Machiba chi Dachi Akõremaarã biꞌiwãe waubadau, dachi kakuaba barikia kachirua waubadau maud̶e waabenarã daad̶e kĩra nejasia waubadau wabid̶a mau ida b̶ud̶awẽa panuud̶eeba jẽai.

Gálatas 5:20

Dachi Akõre kuenda juaba ne kaped̶aad̶amaa ʉtaa id̶ibadau, jaibanarãba waubadau, waabenarã kĩramaabadau, oa kachirua berreabadau, waabenarãd̶e ne uru panad̶ai kʉ̃riabadau, bari au kĩrubadau, waabenarã audeara biꞌia panad̶ai jʉrʉbadau, ãchi kakawaa kʉ̃risia uru panabadau, Dachi Akõre bed̶ea ãyaa jaradea panuud̶eeba ãyaa wãbadau,

Apocalipsis 13:13

Ãnimara iorod̶ebena need̶aba ẽbẽrarãba ne poyaa waud̶akau mechiurã waukuabachii. Ẽbẽrarãba ichiamaa panasiid̶e bajãad̶ebena aoko nau iujãad̶e b̶aebisii.

Apocalipsis 13:15

Mau iorod̶ebena awara need̶amaa ida kabisii chi ãnimara kuenda juaba ne kaped̶aad̶a ʉ̃yaba deamera maud̶e berreabimera. Maabae chi iorod̶ebena awara need̶aba chi ãnimara kuenda juaba ne kaped̶aad̶a ãrea kʉ̃riad̶awẽerã beabiasii.

Apocalipsis 13:7

Maud̶e Dachi Akõreba mau ãnimaramaa ara ichi ẽbẽrarã ome chĩobii ida kabisii maarã poyaamera. Ẽbẽrarã didiwaraa joma, puuru joma, bed̶ea didiwaraa joma maud̶e chi druarã joma ichi juad̶e ua b̶uabisii.

Apocalipsis 14:8

Mau ángel kaad̶e neeped̶a naka jĩkua jarasii: «Babilonia puuru mechiu ãrisii. Biawãra joma ãrikuasii. Chi mau puurud̶ebenarãba ãrea mia kĩra nejasia wau panuud̶eeba drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra».

Apocalipsis 16:6

Maarãba bichi ẽbẽrarã maud̶e chi bichi baita berreabadaurã oa chebiasid̶au. Maud̶eeba id̶i bichiba maarãmaa oa dobiamaa b̶uu maka chi kachirua wauped̶aad̶a kĩra».

Apocalipsis 17:2

Nau iujãad̶ebena reyrã mau wẽra ome kachirua waubachid̶au. Maud̶e mau wẽraba ichi kakuaba barikiu kachirua wauruu unubachiid̶eeba joma nau iujãad̶ebenarã bid̶a ara mau kĩra waubachid̶au ituaba biu panuu kĩra».

Apocalipsis 17:4

Mau wẽra paru pãaraa maud̶e puria jʉ̃ nibasii. Nee, mo dod̶aa mipitaa maud̶e perla jʉ̃ nibasii. Ichi juad̶e sãu nee waud̶a uru b̶uasii. Mau sãud̶e barikia ne joma Dachi Akõreba kʉ̃riakau duanasii maud̶e mau wẽraba mia kĩra nejasia wau b̶uad̶a.

Apocalipsis 17:5

Ichi daub̶ʉʉrʉd̶e trʉ̃ ab̶a ẽbẽrarãba kauwa ũrid̶akau b̶ʉ inibasii. Naka b̶ʉ inibasii: «Mʉ Babilonia chi puuru mechiubʉ. Mʉ wẽrarã aud̶uabadaurã nawebʉ, maud̶e ne joma Dachi Akõreba nau iujãad̶e kʉ̃riakau nawebʉ».

Apocalipsis 18:3

Mau puurud̶ebenarãba mia kĩra nejasia wau panuud̶eeba, drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra. Maud̶e reyrã joma druachad̶ebenarãba ara mau kĩra waubiasid̶au wẽra aud̶uabarii ome kachirua wau panuu kĩra. Chi nau iujãad̶ebena ne kaebea nedobadau barau duaneesii, mau puurud̶ebenarãba ne kaebea chi aude chi bia ãrea adaud̶ai kʉ̃ria panasiid̶eeba».

Apocalipsis 19:2

Ichi biawãra niid̶eeba arakʉd̶e ẽbẽrarã kastikabarii. Wẽra aud̶uabarii trʉ̃ poa b̶uad̶a kastikasii, mauba joma chi nau iujãad̶ebenarãmaa arab̶au kachirua waubiasiid̶eeba. Dachi Akõreba mau wẽra kastikasii chi ichi baita bari trajabadaurã kenad̶a kakua».

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.

Apocalipsis 9:20

Maka b̶uukaud̶e chi ẽbẽrarã mauba biud̶aabad̶aba wabid̶a chi kachirua waud̶ayu maud̶e jai kachiruarã ijãad̶ai ida b̶ud̶aabasii. Dachi Akõre kuenda juaba ne kaped̶aad̶arã ida b̶ud̶aabasii: chi nee waud̶a, parata waud̶a, bronce waud̶a, mo waud̶a maud̶e bakuru erad̶a ida b̶ud̶aabasii. Maarã unud̶akau, ũrid̶akau maud̶e nibad̶akau.