Apocalipsis 8:7 - Emberá Chamí

⁷ Ab̶auba ichi kachu chaasii. Ara makʉd̶e bajãad̶ebena nau iujãad̶e hielo kui kĩra b̶aesid̶au. Maud̶e nau iujãad̶e tʉbʉchia oa baara b̶aesid̶au. Mauba nau iujãa jomad̶ebena beraa mita baawãsii maud̶e bakururã sid̶a. Mama chi siruarã joma baawãsii.

Apocalipsis 8:7 Iomraidhean Croise

Santiago 1:11

Ʉmada neeruud̶e pisiaba nepono kidua bʉʉbarii. Maabae chi nepono b̶aeped̶a chi mipitaa wãꞌãebarii. Ara mau kĩra ẽbẽra barau nii ewaricha chi nejarra adaui baita b̶uu biui.

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.

Apocalipsis 12:4

Chi druu neapesiid̶e pusterrearã bajãad̶ebenarã beraa mita b̶aesid̶au nau iujãad̶e. Mau dragón wẽra warr adaui baita b̶uumare b̶ari nub̶eesii chi warr adauruud̶e mii baita.

Apocalipsis 16:2

Ara makʉd̶e ángel ab̶a wãped̶a ichi sãud̶e uru b̶uad̶a iujãad̶e eabʉisii. Mauba chi ãnimara trʉ̃ daub̶ʉʉrʉd̶e maebʉrã juad̶e uru nuree maud̶e joma chi ara ichi kĩra juaba ne kaped̶aad̶a ãrea kʉ̃riabadaurã chaumia kachirua kakuad̶e posid̶au.

Apocalipsis 16:21

Bajãad̶ebena ẽbẽrarã ʉ̃rʉ hielo mo mechiu kĩra b̶aesid̶au. Mau hielo beraa 40 kilos chikʉa b̶easii. Mau hielo b̶aesid̶auba biꞌiwãe panasid̶aud̶eeba, maarãba Dachi Akõre ʉ̃rʉbena kachirua berreasid̶au.

Apocalipsis 6:8

Araa ichiasiid̶e mʉʉba mura kukuaraa nii unusii. Chi mau mura ʉ̃rʉ akʉ b̶uu trʉ̃ «Biud̶a» abadau. Chi ichi ome nibabarii chi trʉ̃ «Biud̶arã Panabadau» abadau. Joma nau iujãad̶e ẽbẽra kimared̶ebena ab̶a Dachi Akõreba maarãmaa ida beabiasii. Maarã ẽbẽrarã beasid̶au chĩoduuba, jarrbaba, dachi kakua kachirua paneebibadauba maud̶e ãnimara kachirua nureeba.

Apocalipsis 7:1

Mau maad̶akare mʉʉba ángel kimare unusii. Maarã nau iujãad̶e õkid̶ucha akʉ topanasid̶au. Maarãba pũatu mamareecha pũayu ida kabid̶aabasii nau iujãad̶e, mard̶e maud̶e bakurumaa bid̶a.

Apocalipsis 9:15

Ara makʉd̶e ichiba maarã kimare enakuasii nau iujãad̶ebena ẽbẽrarã beraa mita bead̶amera. Dachi Akõreba maarã uru b̶uasii maka bead̶amera ara mau añod̶e, ara mau jed̶ako ab̶ad̶e maud̶e ara mau ewarid̶e bid̶a.

Apocalipsis 9:18

Chi mura okarrd̶ebena aokooruuba, nariba maud̶e azufre chi cheeruu bid̶a beraa mita chi nau iujãad̶ebena ẽbẽrarã kenasii.

Apocalipsis 9:4

Chi sisirãmaa jarasii siruarã maud̶e bakururã ãriraad̶amera. Bari ẽbẽrarãba ãchi daub̶ʉʉrʉd̶e Dachi Akõre selloswãe nuree kaabiasii.